دہلی میں این ایس یو آئی طلبا کی گرفتاری پر کانگریس کا شدید رد عمل

دہلی21جولائی 2020(فکروخبر/ذرائع) مرکزی حکومت کے خلاف احتجاج کرنے والے این ایس یو آئی طلبا کی گرفتاری پر کانگریس نے شدید رد عمل کا اظہار کیا ہے۔ کانگریس نے ٹوئٹ کرتے ہوئے کہا کہ جب جب طلبا اپنی آواز اٹھاتے ہیں، بی جے پی کو استحصال ہی نظر آتا ہے۔ این ایس یو آئی کے مطالبے طلبا کے مفاد میں ہیں۔ بی جے پی قومی صدر نیرج کندن سمیت تمام کارکنوں کو گرفتار کرکے طلبا کی آواز کو دبا نہیں سکتی۔ طلبا کے مفادات ہماری ترجیح تھے اور رہیں گے۔ این ایس یو آئی کارکنان آج آخری سال کے امتحانات کو منسوخ کرنے کے مطالبہ کو لے کر مظاہرہ کر رہے تھے۔ اس دوران پولیس نے انہیں حراست میں لیا۔