بہار کے بعد اندھراپردیش وزیر اعلی نے بھی کی این پی آر کی مخالفت

:04 مارچ2020 (فکروخبر/ذرائع)آندھراپردیش کے وزیراعلیٰ وائی ایس جگن موہن ریڈی نے مسلمانوں سے کہا ہے کہ انہیں این پی آر اور این آر سی سے خوفزدہ ہونے کی ضرورت نہیں ہے۔

نائب وزیراعلیٰ امجد باشاہ نے ایک مسلم وفد کے ساتھ وجئے واڑہ میں وزیراعلیٰ جگن موہن ریڈی سے ملاقات کی اور سی اے اے، این پی آر، این آر سی کو لیکر مسلمانوں میں پھیلی ہوئی بے چینی سے واقف کروایا۔

جگن موہن ریڈی نے وفد کو یقین دلایا کہ اسمبلی کے بجٹ اجلاس میں این آر سی اور این پی آر کے خلاف قرارداد منظور کی جائے گی۔ ریاستی حکومت نے این پی آر کے خلاف اسمبلی میں قرارداد منظور کرنے کا فیصلہ کیا ہے۔

وفد میں مفتی رحیم اللہ، مفتی میحمد علی بغدادی، احمد باشاہ، احمد پیر شہ میری اور دیگر رہنما شامل تھے۔