یمنی علیحدگی پسند باغیوں نے فائربندی کا اعلان کر دیا

یمن کے جنوبی حصوں میں متحرک علیحدگی پسند باغیوں نے حکومتی فورسز کے ساتھ طویل جھڑپوں کے بعد فائربندی کا اعلان کر دیا ہے۔ بتایا گیا ہے شبوہ صوبے میں دو روز تک شدید جھڑپوں کے بعد آج ہفتے کو ’سدرن ٹرانزیشنل کونسل‘ نامی علیحدگی پسند گروپ نے کہا کہ شبوہ صوبے میں تمام فریقین عرب اتحاد کی جانب سے فائربندی کے مطالبے کا احترام کریں۔ واضح رہے کہ یہ علیحدگی پسند متحرک یمن کے جنوبی حصے کی علیحدگی کی کوشش میں ہیں۔ یمن پہلے ہی صدر منصور ہادی اور ایران نواز شیعہ حوثی باغیوں کے درمیان لڑائی کی وجہ سے تباہ حال ہے۔