ہجومی تشدد کے خلاف اٹھنے والی آوازوں پر بھی وی ایچ پی کو اعتراض

سری نگر:یکم جولائی2019(فکروخبر/ذرائع)وشو ہندو پریشد نے ہجومی تشدد میں ہونے والی اموات کے خلاف ملک بھر میں اٹھنے والی آوازوں پر اعتراض کرتے ہوئے کہا ہے کہ ماب لنچنگ کے چند ایک معاملات ہی پیش آئے ہیں ، مگر انہیں غیر ضروری طورپر بڑھا چڑھا کر پیش کیا جا رہا ہے۔

 اس کے ساتھ ہی بھگوا تنظیم نے تبریز کی موت کو ہجومی تشدد کا نتیجہ تسلیم کرنے میں بھی پس و پیش کا مظاہرہ کیا ہے ، وی ایچ پی کے قومی ترجمان ونود بنسل کے مطابق ’’حالانکہ اس کا معاملہ مشکو ک نظر آتا ہے مگر جرم کے کسی بھی واقعہ کو جرم کی نظر سے ہی دیکھا جانا چاہئے ‘‘ بنسل نے یہ باتیں وی ایچ پی کی دو روزہ سینٹرل مینیجنگ میٹی کے بعد کہیں۔ جموں کشمیر میں ہونے والی اس میٹنگ میں بھگوا تنظیم نے دعوی کیا کہ وہ بین المذاہب شادیوں کے خلاف نہیں بلکہ وہ صرف لو جہاد کی مخالف ہے