روس سے تعاون بڑھانا چاہتے ہیں، عراقی وزیراعظم 

بغداد:13اپریل2019(فکروخبر/ذرائع)عراقی وزیراعظم عادل عبدل مہدی نے روس سے تعلقات بڑھانے کی خواہش ظاہر کی ہے۔ عراقی وزیراعظم کے دفتر کے مطابق عبدل مہدی نے اس بات کا اظہار دورہ روس کے دوران صدر پیوٹن کے مشرقی وسطی امورکیعہدیدار اور نائب وزیر خارجہ میخائل بوغدانوف سے ملاقات کے دوران کیا۔ عراقی وزیراعظم نے کہا کہ ہم روس کے ساتھ توانائی ،پٹرول اور گیس کے منصوبوں میں تعاون کو فروغ دینا چاہتے ہیں جس کے جواب میں روسی نائب وزیرخارجہ نے بھی اس خواہش پر اتفاق کیا البتہ مشترکہ منصوبوں کے بارے میں تفصیلات نہیں بتائیں۔