ایران: سلطان آف کوائنز اور اس کے ساتھی کو پھانسی دے دی گئی

سلطان پر غیر ملکی زر مبادلہ کو ذخیرہ کر کے ایرانی مالی مارکیٹ میں گڑ بڑ کرنے اور انہیں بیرون ملک اسمگل بھی کرنے کا الزام تھا

تہران:14؍نومبر2018(فکروخبر/ذرائع)ایران نے سلطان آف کوائنز کہلانے والے شخص اور اس کے ساتھی کو پھانسی دے دی ہے۔ ان پر الزام تھا کہ انہوں نے سونے کے سِکوں اور دیگر غیر ملکی زر مبادلہ کا نہ صرف ذخیرہ کر کے ایرانی مالی مارکیٹ میں گڑ بڑ کی بلکہ انہیں بیرون ملک اسمگل بھی کیا۔ ایران کے سرکاری ٹی وی کے مطابق واحد مظلومین اور اس کے ساتھ محمد اسماعیل قاسمی کو بدھ کی صبح پھانسی دے دی گئی۔ ایران نے ان افراد کو رواں برس جولائی میں گرفتار کر کے ان کے قبضے سے دو ٹن سونے کے سکے برآمد کیے تھے۔ اسی سلسلے میں نامعلوم تعداد میں دیگر افراد کو جیل کی سزائیں بھی سنائی گئی ہیں۔