ترک صدر کا شام اور عراق میں دو نئے فوجی آپریشنز کا اعلان

عفرین کے بعد اگلا اہم ہد ف شامی شہر رفعت اور عراقی شہر سنجار ہے ،بیان 

استنبول:26؍مارچ2018(فکروخبر/ذرائع)ترکی کے صدر طیب ایردوآن نے شام کے کرد اکثریتی علاقے عفرین میں کئی ہفتوں سے جاری فوجی آپریشن کی تکمیل کے بعد شام اور عراق میں 2نئے فوجی آپریشنز کا اعلان کردیا ہے ۔پیر کو غیرملکی میڈیا رپورٹس کے مطابق ترک صدر نے اپنے ایک بیان میں کہا کہ عفرین پرکنٹرول قائم کرنے اور کرد جنگجوؤں کونکال باہر کرنے کے بعد ان کا اگلا ہدف شمالی شام کا شہر تل رفعت ہوگا جبکہ ترک فوج عراق کے شہر سنجار میں بھی فوجی کارروائی کی تیاری کررہی ہے۔انہوں نے کہا کہ تل رفعت پر کنٹرول کے بعد ترک فوج سرحدی علاقے طرازبون کی جانب پیش قدمی کرے گی۔۔