امریکہ نے شام میں لڑنے والی ازبک فورس کو دہشت گرد تنظیم قراردیدیا

داعش کے کیمیائی ہتھیاروں کے سینئر فرانسیسی شہری بھی عالمی دہشت گردی کی فہرست میں شامل

واشنگٹن:23؍مارچ2018(فکروخبر/ذرائع)امریکی محکمہ خارجہ نے کتیبت الامام البخاری کو عالمی دہشت گردوں کی خصوصی فہرست میں شامل کرنے کا اعلان کردیا،متعلقہ شقوں کی رو سے ایسے غیر ملکی فرد یا تنظیم پر سخت قسم کی تعزیرات عائد کی جاتی ہیں، جن کے بارے میں یہ تعین کیا جاتا ہے کہ وہ دہشت گردی میں ملوث رہے ہیں یا ان سے دہشت گردی کا خوف لاحق ہے، جن سے امریکی شہریوں، قومی سلامتی، خارجہ پالیسی یا امریکہ کی معیشت کو دہشت گردی کی نوعیت کا خطرہ ہے۔امریکی ٹی وی کے مطابق یہ بات محکمہ خارجہ کی خاتون ترجمان کی جانب سے جاری کیے گئے ایک بیان میں کہی گئی۔ کتیبت الامام البخاری ازبکستان کی سب سے بڑی مسلح فورس ہے جو شام میں لڑ رہی ہے۔ گروپ نے شمال مغربی شام کی لڑائی میں بڑھ چڑھ کر حصہ لیا ہے۔محکمہ خارجہ کے ایک اور اعلان کے مطابق جو ایسپرمین کو عالمی دہشت گردی کی خصوصی فہرست میں شامل کیا گیا ہے۔جو ایسپرمین فرانسیسی شہری ہیں، جو داعش کے کیمیائی ہتھیاروں کے ایک سینئر ماہر