ಹೆಚ್ಚಿನ ಬೆಲೆಗೆ ಮಾಸ್ಕ್ ಮಾರುತ್ತಿದ್ದ ಔಷಧಿ ಅಂಗಡಿಗಳ ಮೇಲೆ ದಾಳಿ, ₹20 ಸಾವಿರ ದಂಡ..

ಮೈಸೂರು: 15 ಮಾರ್ಚ್ 2020 (ಫಿಕ್ರೋಖಬರ್ ಸುದ್ದಿ) ನಿಗಿದಿಗಿಂತ ಹೆಚ್ಚಿನ ಬೆಲೆಗೆ ಮಾಸ್ಕ್​ ಹಾಗೂ ಸ್ಯಾನಿಟೈಸರ್​ಗಳನ್ನು ಮಾರಾಟ ಮಾಡುತ್ತಿದ್ದ ಔಷಧಿ ಅಂಗಡಿಗಳ ಮೇಲೆ ಔಷಧ ನಿಯಂತ್ರಣ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ 20 ಸಾವಿರ ದಂಡ ವಿಧಿಸಿದ್ದಾರೆ.

ಔಷಧಿ ಅಂಗಡಿಗಳ ಮೇಲೆ ದಾಳಿ..

ನಗರದ 20 ಔಷಧಿ ಅಂಗಡಿಗಳ ಮೇಲೆ ದಾಳಿ ನಡೆಸಿದ್ದು, 4 ಅಂಗಡಿ ಮಾಲೀಕರು ಹೆಚ್ಚಿನ ಬೆಲೆಗೆ ಮಾರಾಟ ಮಾಡಿದ್ದು ತಿಳಿದು ಬಂದಿದೆ. ಚೀನಿ ವೈರಸ್​ ದಾಳಿಗೆ ಕಂಗಾಲಾಗಿರುವ ಸಾರ್ವಜನಿಕರು ರಕ್ಷಣೆಗಾಗಿ ಮಾಸ್ಕ್​ ಹಾಗೂ ಸ್ಯಾನಿಟೈಸರ್​ ಮೊರೆ ಹೋಗಿದ್ದಾರೆ. ಇದನ್ನೇ ಬಂಡವಾಳ ಮಾಡಿಕೊಂಡ ಕೆಲ ಔಷಧಿ ಅಂಗಡಿಗಳು ಹೆಚ್ಚಿನ ಲಾಭದ ದುರಾಸೆಗೆ ಬೆಲೆ ಏರಿಸಿದ್ದವು. ಕಾನೂನು ಮಾಪನಶಾಸ್ತ್ರ(ಪೊಟ್ಟಣ ಸಾಮಾಗ್ರಿಗಳು)ನಿಯಮಗಳ ಅಡಿಯಲ್ಲಿ ನಾಲ್ಕು(4) ಮೊಕದ್ದಮೆಗಳನ್ನು ದಾಖಲಿಸಲಾಗಿದೆ. ತಲಾ 5 ಸಾವಿರದಂತೆ 4 ಅಂಗಡಿಗಳಿಂದ 20 ಸಾವಿರ ದಂಡ ವಸೂಲು ಮಾಡಲಾಗಿದೆ. ಕಾನೂನು ಮಾಪನಶಾಸ್ತ್ರ ಸಹಾಯಕ ನಿಯಂತ್ರಕ ಕೆ ಎಂ ಮಹದೇವಸ್ವಾಮಿ ಮತ್ತು ನಿರೀಕ್ಷಕರಾದ ಬಿ ಎಸ್ ಸುಮಾರಾಣಿ, ಸಹಾಯಕ ಔಷಧ ನಿಯಂತ್ರಕ ನಾಗರಾಜ ಎಸ್, ನಾಜಿಯಾ ಮತ್ತು ಸಿಬ್ಬಂದಿ ದಾಳಿ ವೇಳೆ ಹಾಜರಿದ್ದರು.

ಈ, ಇ ವರದಿ