ಮುಲ್ಕಿಯ ಕಾರ್ನಾಡು ಬೈಪಾಸಿನಲ್ಲಿ ಸಂಭವಿಸಿದ ಅಪಘಾತ

ಮುಲ್ಕಿ: 06 ಫೆಬ್ರುವರಿ (ಫಿಕ್ರೋಖಬರ್ ಸುದ್ದಿ) ಮುಲ್ಕಿಯ ಕಾರ್ನಾಡು ಬೈಪಾಸ್ ಸಮೀಪ ಟಿಪ್ಪರ್, ಬಸ್ ಮತ್ತು ಕಾರಿನ ನಡುವೆ ಸರಣಿ ಅಪಘಾತ ನಡೆದಿದೆ ಎನ್ನಲಾಗಿದೆ. ಕಾರ್ನಾಡಿನ ಒಳಪೇಟೆಯಿಂದ ಚಿತ್ರಾಪುರದ ಕಡೆ ಇರುವ ಹೆದ್ದಾರಿಯಲ್ಲಿ ಬಸ್ಸೊಂದು ಕ್ರಾಸ್ ಮಾಡುವ ವೇಳೆ ಉಡುಪಿಯಿಂದ ಮಂಗಳೂರಿನ ಕಡೆಗೆ ಹೋಗುತ್ತಿದ್ದ ಟಿಪ್ಪರ್ ಲಾರಿ ಡಿಕ್ಕಿ ಹೊಡೆದಿದ್ದು, ಮಂಗಳೂರಿನಿಂದ ಮುಲ್ಕಿಯ ಕಾರ್ನಾಡುವಿನ ಬೈಪಾಸ್ ಬಳಿ ಹೋಗುತ್ತಿದ್ದ ಕಾರೊಂದು ಚಾಲಕನ ನಿಯಂತ್ರಣ ತಪ್ಪಿ ಟಿಪ್ಪರಿಗೆ ಡಿಕ್ಕಿ ಹೊಡೆದು ವಾಹನಗಳು ಜಖಂಗೊಂಡಿದ್ದು ವಾಹನಗಳಲ್ಲಿದ್ದ ಪ್ರಯಾಣಿಕರಿಗೆ ಸಣ್ಣ ಪುಟ್ಟ ಗಾಯಗಳಾಗಿ ಎಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ ಎಂದು ಹೇಳಲಾಗಿದೆ. ಸ್ಥಳಕ್ಕೆ ಸೂರತ್ಕಲ್ ಸಂಚಾರಿ ಪೋಲೀಸರು ತೆರಳಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.