ಈಜಿಪ್ಟ್ : ದಾಳಿ ವೇಳೆಯಲ್ಲಿ ಶಂಕಿತ 40 ಉಗ್ರರ ಹತ್ಯೆ

ಕೈರೋ: 29 ಡಿಸೆಂಬರ್ (ಫಿಕ್ರೋಖಬರ್ ಸುದ್ದಿ) ಗೈಜಾ ಪಿರಾಮಿಡ್ ಬಳಿ ಸಂಭವಿಸಿದ್ದ ಬಾಂಬ್ ಸ್ಪೋಟಕ್ಕೆ ಸಂಬಂಧಿಸಿದಂತೆ ಈಜಿಪ್ಟ್  ದೇಶದ ಭದ್ರತಾ ಅಧಿಕಾರಿಗಳು ದಾಳಿ ನಡೆಸಿ ಶಂಕಿತ ಉಗ್ರರನ್ನು ಹತ್ಯೆ ಮಾಡಿದ್ದಾರೆ. ಭದ್ರತಾ ಪಡೆಗಳು ಇಂದು  ಡಾನ್ ಬಳಿ ದಾಳಿ ನಡೆಸಿರುವುದಾಗಿ ಮೂಲಗಳನ್ನು ಉಲ್ಲೇಖಿಸಿ  ಖಾಸಗಿ ಸುದ್ದಿವಾಹಿನಿಯೊಂದ ವರದಿ ಮಾಡಿದೆ. ರಜಾ ದಿನದಿಂದು ಅಮಾನುಷ ರೀತಿಯಲ್ಲಿ ದಾಳಿ ನಡೆಸಲು ಉಗ್ರರು ಸಂಚು ರೂಪಿಸಿದ್ದರು ಎಂಬುದನ್ನು ಮೂವರು ಶಂಕಿತರು  ಬಾಯ್ಬಿಟ್ಟಿದ್ದಾರೆ ಎಂದು ಈಜಿಪ್ಟ್  ಒಳಾಡಳಿತ ಸಚಿವಾಲಯ ಹೇಳಿಕೆ ನೀಡಿದೆ ಎಂದು ಆನ್ ಲೈನ್  ಸುದ್ದಿಪತ್ರಿಕೆಯೊಂದು ವರದಿ ಮಾಡಿದೆ. ಶಂಕಿತ ಭಯೋತ್ಪಾದಕರಿಂದ ಅಪಾರ ಪ್ರಮಾಣದ ಸ್ಪೋಟಕ ಸಲಕರಣೆಗಳು,  ಶಸಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.

ಆರ್ಥಿಕ, ಪ್ರವಾಸೋದ್ಯಮ, ಕೈಗಾರಿಕಾ, ಪೊಲೀಸ್, ಚರ್ಚ್ ಮತ್ತಿತರ ಪ್ರಮುಖ ಸಂಸ್ಥೆಗಳನ್ನು ಗುರಿಯಾಗಿಟ್ಟುಕೊಂಡು ದಾಳಿ ನಡೆಸಲು ಉಗ್ರರು ಸಂಚು ರೂಪಿಸಿರುವ ಬಗ್ಗೆ ಮಾಹಿತಿ ತಿಳಿದುಬಂದಿದ್ದು, ಉಗ್ರರನ್ನು ಹಿಮ್ಮೆಟ್ಟಿಸುವ ನಿಟ್ಟಿನಲ್ಲಿ ಸತತ ಪ್ರಯತ್ನ ನಡೆಸಲಾಗುತ್ತಿದ್ದು, ದಾಳಿಗೆ ಆದೇಶಿಸಲಾಗಿದೆ ಎಂದು ಸಚಿವಾಲಯ ಹೇಳಿದೆ. ಗೈಜಾದಲ್ಲಿ  ನಿನ್ನೆ ನಡೆದ ಬಾಂಬ್ ಸ್ಪೋಟದ ವೇಳೆಯಲ್ಲಿ ವಿಯಟ್ನಾಂನ ಮೂವರು ಹಾಗೂ ಈಜಿಪ್ಟ್ ನ  ಪ್ರವಾಸ ಮಾರ್ಗದರ್ಶಕರೊಬ್ಬರು ಸೇರಿದಂತೆ ನಾಲ್ವರು ಮೃತಪಟ್ಟಿದ್ದರು ಎಂದು ಪ್ರಾಸಿಕ್ಯೂಟರ್ ಜನರಲ್ ನಾಬಿಲ್ ಸಾದೆಕ್  ತಿಳಿಸಿದ್ದಾರೆ.

ಕ, ಪ್ರ ವರದಿ