ಜೈಲಿನ ಖೈದಿಗೆ ಗಾಂಜಾ ಕೊಡುತ್ತಿದ್ದ ಪತ್ರಿಕೋದ್ಯಮದ ವಿದ್ಯಾರ್ಥಿನಿಯ ಬಂಧನ

ಮಂಗಳೂರು: 13 ಅಕ್ಟೋಬರ್ (ಫಿಕ್ರೋಖಬರ್ ಸುದ್ದಿ) ಮಂಗಳೂರು ಜೈಲಿನಲ್ಲಿದ್ದ ವಿಚಾರಣಾಧೀನ ಖೈದಿ ಮುಸ್ತಫಾ ಎಂಬಾತನಿಗೆ ಯುವತಿಯೊಬ್ಬಳು ಜೈಲಿನಲ್ಲಿ ಗಾಂಜಾ ನೀಡುವ ವೇಳೆ ಪೋಲೀಸರು ಈಕೆಯನ್ನು ಬಂಧಿಸಿದ್ದಾರೆ ಎನ್ನಲಾಗಿದೆ. ಯುವತಿ ವಿಶ್ವವಿದ್ಯಾನಿಲಯ ಪತ್ರಿಕೋದ್ಯಮದ ವಿದ್ಯಾರ್ಥಿನಿ ಎಂದು ಹೇಳಲಾಗಿದೆ. ಈಕೆ ಜೈಲಿನಲ್ಲ್ಲಿದ್ದ ಆರೋಪಿಯನ್ನು ಭೇಟಿ ಮಾಡುವ ನೆಪದಲ್ಲಿ ಖೈದಿಗೆ ಗಾಂಜಾ ಕೊಡುವ ವೇಳೆ ಸಂಶಯಗೊಂಡ ಸಿ,ಸಿ,ಬಿ ಹಾಗೂ ಬರ್ಕೆ ಪೋಲೀಸರು ಈಕೆಯನ್ನು ಬಂಧಿಸಿದ್ದಾರೆ. ಖೈದಿಯನ್ನು ಭೇಟಿಯಾಗಲು ಪರವಾನಿಗೆ ಪಡೆಯುವ ವೇಳೆ ಆಕೆಯ ಬಳಿ ಇದ್ದ ಬ್ಯಾಗ್ ಹಾಗೂ ಆಕೆಯ ವರ್ತನೆಯಿಂದ ಅನುಮಾನಗೊಂಡ ಪೋಲೀಸರು ವಿಚಾರಿಸಿದಾಗ ಬ್ಯಾಗಿನಲ್ಲಿ ಸುಮಾರು 20 ಗ್ರಾ ಗಾಂಜಾ ದೊರಕಿದ್ದು, ತಕ್ಷಣ ಪೋಲೀಸರು ಗಾಂಜಾ ಹಾಗೂ ಅಕೆಯ ಮೊಬೈಲ್ ಫೋನಿನ ಜೊತೆಗೆ ಆಕೆಯನ್ನು ಬಂಧಿಸಿದ್ದಾರೆ ಎನ್ನಲಾಗಿದೆ. ಖೈದಿ ಮುಸ್ತಫಾ ಕೊಲೆ ಪ್ರಕರಣವೊಂದರಲ್ಲಿ ಜೈಲುವಾಸಿಯಾಗಿದ್ದು, ಈಕೆಯ ಮುಗ್ಧತೆಯನ್ನು ದುರುಪಯೋಗ ಪಡಿಸಿಕೊಂಡು ತನ್ನ ಜೊತೆಗಾರರ ನೆರವಿನಿಂದ ಆಕೆಯ ಬಳಿ ಗಾಂಜಾ ತರೆಸಿಕೊಂಡಿದ್ದಾನೆ ಎಂದು ಪೋಲೀಸರು ಶಂಕಿಸಿ, ಆರೋಪಿಯ ಜೊತೆಗಾರರನ್ನು ಪತ್ತೆ ಹಚ್ಚಲು ತನಿಖೆ ನಡೆಸುತ್ತಿದ್ದಾರೆ. ಪ್ರಕರಣ ಬರ್ಕೆ ಠಾಣೆಯಲ್ಲಿ ದಾಖಲಾಗಿದೆ.