ಬೈಕ್ ಕಳುವು ಮಾಡಿದವನ ಬಂಧನ

ಭಟ್ಕಳ: 15 ಜುಲೈ (ಫಿಕ್ರೋಖಬರ್ ಸುದ್ದಿ) ಇಂದು ಬೆಳಿಗ್ಗೆ ಶಿರಾಲಿ ಚೆಕ್ಪೋಸ್ಟಿನಲ್ಲಿ ಪಿ,ಎಸ್,ಐ ಅವರು ನಂಬರ್ ಪ್ಲೇಟಿಗೆ ಕಪ್ಪು ಬಣ್ಣದ ಸ್ಟಿಕ್ಕರ್  ಹಚ್ಚಿರುವುದನ್ನು ಕಂಡು ಸಂಶಯದಿಂದ ವಾಹನವನ್ನು ತಪಾಸಣೆ ಮಾಡುವ ವೇಳೆ ಸಹ ಬೈಕ್ ಸವಾರ ಪರಾರಿಯಾದಾಗ ಪಿ,ಎಸ್,ಐ ಅವರು ಬೈಕ್ ಸವಾರನನ್ನು ಬಂಧಿಸಿ ಆರೋಪಿಯನ್ನು ಪೋಲೀಸ್ ಠಾಣೆಗೆ ಕರೆತಂದು ವಿಚಾರಿಸಿದಾಗ ನಿಜಾಂಶ ತಿಳಿದು ಬಂದಿದೆ. 
ಹಿನ್ನೆಲೆ: ಕಳೆದ ತಿಂಗಳು ಗಣಪತಿ ಗೊಂಡ ಅವರು ತಮ್ಮ ಬೈಕ್ ಕಳ್ಳತನವಾಗಿರುವ ಬಗ್ಗೆ ಪೋಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಪೋಲೀಸರು ಕಳುವಾಗಿರುವ ಬೈಕಿಗಾಗಿ ಸಂಶೋಧನೆ ನಡೆಸುತ್ತಿರುವ ವೇಳೆ ಆರೋಪಿ ಭಟ್ಕಳದ ಕಡೆಗೆ ಬೈಕಿನಲ್ಲಿ ತೆರಳುವ ವೇಳೆ ಪೋಲೀಸರು ಈತನನ್ನು ಬಂಧಿಸಿ ವಿಚಾರಿಸಿದಾಗ ಆರೋಪಿ ಮನೆಯ ಮುಂದೆ ನಿಲ್ಲಿಸಿದ ಬೈಕನ್ನು ರಾತ್ರಿಯ ವೇಳೆ ಕಳುವು ಮಾಡಿರುವ ಬಗ್ಗೆ ತಿಳಿಸಿದ್ದಾನೆ. ಬಂಧನದಲ್ಲಿರುವವನು ಹನೀಫಾ ಬಾದಿನ ನಿವಾಸಿ ಸೈಯದ್ ಯೂನುಸ್(18) ಎಂದು ತಿಳಿದು ಬಂದಿದೆ. ಪ್ರಕರಣ ಗ್ರಾಮಾಂತರ ಠಾಣೆಯಲ್ಲಿ ದಾಖಲಾಗಿದೆ.