ಎಟಿಎಂಗಳಿಗೆ ಹೊಸ ತಂತ್ರಾಂಶ ಅಳವಡಿಸಲು ಬ್ಯಾಂಕ್‍ಗಳಿಗೆ ಆರ್‌ಬಿಐ ಸೂಚನೆ

ನವದೆಹಲಿ: ,07 ಜುಲೈ (ಫಿಕ್ರೋಖಬರ್ ಸುದ್ದಿ) ಎಟಿಎಂ ಯಂತ್ರದ ಹಳೆಯ ತಂತ್ರಾಂಶ ತೆಗೆದುಹಾಕಿ ಹೊಸ ತಂತ್ರಾಂಶ ಅಳವಡಿಸುವ ಮೂಲಕ ಎಟಿಎಂಗಳ ಭದ್ರತೆ ಕಾಯ್ದುಕೊಳ್ಳಲು ಎಲ್ಲ ಬ್ಯಾಂಕ್‍ಗಳಿಗೆ ಸೂಚನೆ ನೀಡಿರುವ ಆರ್‍ಬಿಐ, ಜೂನ್ 2019 ರೊಳಗೆ ಹೊಸ ತಂತ್ರಾಂಶ ಅಳವಡಿಸದಿದ್ದಲ್ಲಿ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಸೂಚನೆ ನೀಡಿದೆ.

ಎಟಿಎಂ ಯಂತ್ರಗಳಲ್ಲಿ ವಿಂಡೋಸ್ ಎಕ್ಸ್‍ಪಿ ತಂತ್ರಾಂಶವಿದ್ದು, ಕಂಪನಿ ಪ್ರಕಾರ 2014ಕ್ಕೆ ಈ ತಂತ್ರಾಂಶ ಹಳೆಯದಾಗಿದೆ. ಇದರಲ್ಲಿ ಯುಎಸ್‍ಬಿ ಪೆÇೀಟ್ರ್ಸ್ ಮತ್ತು ಆಟೋ ರನ್ ಸೌಲಭ್ಯ ಇರುವುದರಿಂದ ಸೈಬರ್ ಖದೀಮರು ಸುಲಭವಾಗಿ ಎಟಿಎಂ ಹ್ಯಾಕ್ ಮಾಡಿ ಗ್ರಾಹಕರ ಬ್ಯಾಂಕ್ ಖಾತೆಯ ಗೌಪ್ಯ ಮಾಹಿತಿ ಕಳವು ಮಾಡುತ್ತಾರೆ ಎನ್ನುವ ಗಂಭೀರ ಆರೋಪ ಕೇಳಿ ಬಂದಿರುವ ಹಿನ್ನಲೆಯಲ್ಲಿ ಆರ್‍ಬಿಐ ಎಟಿಎಂಗೆ ಹೊಸ ತಂತ್ರಾಂಶ ಅಳವಡಿಕೆಗೆ ಸೂಚನೆ ನೀಡಿದೆ.

ಈ, ಸಂ ವರದಿ