ಅಕ್ರಮ ಸಂಬಂಧಕ್ಕೆ ಬೇಸತ್ತ ಹೆಂಡ್ತಿ: ಗಂಡನ ಮೇಲೆ ಆ್ಯಸಿಡ್‌ ಎರಚಿ ಹತ್ಯೆ!

ಮಾಲಾಪ್ಪುರಂ: 01 ಮೇ (ಫಿಕ್ರೋಖಬರ್ ಸುದ್ದಿ) ಆಕೆ ಗಂಡನ ಅಕ್ರಮ ಸಂಬಂಧಕ್ಕೆ ಬೇಸತ್ತಿದ್ದಳು. ಎಷ್ಟು ಬಾರಿ ಗಂಡನಿಗೆ ತಿಳಿ ಹೇಳಿದರೂ ಗಂಡ ಮಾತ್ರ ಆಕೆ ಮಾತಿಗೆ ಕಿವಿ ಕೊಟ್ಟಿರಲಿಲ್ಲ. ಇದರಿಂದ ನೊಂದ ಆಕೆ ಕೊನೆಗೂ ಗಂಡನನ್ನೇ ಕೊಲ್ಲುವ ಹಂತಕ್ಕೆ ಬಂದು ಬಿಟ್ಟಳು. ಕೇರಳದ ಮಾಲಾಪ್ಪುರಂನಲ್ಲಿ ಹೆಂಡ್ತಿಯೋರ್ವಳು ಗಂಡನ ಮೇಲೆ ಆ್ಯಸಿಡ್‌ ಎರಚಿ ಸುಟ್ಟು ಹಾಕಿದ್ದಾರೆ. ಇದಕ್ಕೆ ಕಾರಣ ಗಂಡನ ಅಕ್ರಮ ಸಂಬಂಧ. ಹೌದು, 52 ವರ್ಷದ ಗಂಡ ಬಸೀರ್‌ನ ಅಕ್ರಮ ಸಂಬಂಧಕ್ಕೆ ಹೆಂಡ್ತಿ ಸುಬೈದಾ ಬೇಸತ್ತಿದ್ದರು. ಈ ವಿಷಯಕ್ಕಾಗಿ ಅನೇಕ ಬಾರಿ ಗಂಡ-ಹೆಂಡ್ತಿ ಕಿತ್ತಾಡಿಕೊಂಡಿದ್ದೂ ಉಂಟು. ಆದರೂ ಬಸೀರ್‌ ತನ್ನ ಚಟ ಮಾತ್ರ ಬಿಟ್ಟಿರಲಿಲ್ಲ ಎನ್ನಲಾಗಿದೆ. 
ಗಂಡ ಯಾವ ಮಾತಿಗೂ ಬಗ್ಗದಾಗ, ಹೆಂಡ್ತಿ ಅಂತಿಮ ತೀರ್ಮಾನಕ್ಕೆ ಬಂದಾಗಿತ್ತು... ಗಂಡ ಬಸೀರ್‌ನನ್ನು ಕೊಲೆಮಾಡೇ ಬಿಡೋದಾಗಿ ತೀರ್ಮಾನಿಸಿಯೂ ಆಗಿತ್ತು. ಪೂರ್ವ ನಿರ್ಧಾರವಾಗಿರುವಂತೆಯೇ... ಸುಬೈದಾ ಗಂಡ ಬಸೀರ್‌ನ ಕಾಲು ಮತ್ತು ಮುಖದ ಮೇಲೆ ಆ್ಯಸಿಡ್‌ ಎರಚಿದ್ದಾಳೆ. ಬಳಿಕ ಬಸೀರ್‌ನನ್ನು ಅವಳೇ ಆಸ್ಪತ್ರೆಗೆ ಸೇರಿಸಿದ್ದಾಳೆ. ಆದರೇನು ಮಾಡೋದು ಆ್ಯಸಿಡ್‌ ದಾಳಿಯಿಂದ ಚಿಂತಾಜನಕ ಸ್ಥಿತಿಯಲ್ಲಿದ್ದ ಪತಿರಾಯ ಚಿಕಿತ್ಸೆ ಫಲಿಸದೇ ಕೊನೆಯುಸಿರೆಳೆದಿದ್ದಾನೆ. 

ಇನ್ನು ಈ ಘಟನೆ ಕುರಿತಂತೆ ಪೊಲೀಸರು ತನಿಖೆ ಕೈಗೊಂಡಿದ್ದರು. ಹೆಂಡ್ತಿ ಸುಬೈದಾ ಪೊಲೀಸರಿಗೆ ಕಟ್ಟು ಕಥೆಯೊಂದು ಕಟ್ಟಿದ್ದಳು..  ರಾತ್ರಿವೇಳೆ ಗುಂಪೊಂದು ಮನೆಗೆ ನುಗ್ಗಿ ನನ್ನ ಗಂಡನ ಮೇಲೆ ಆ್ಯಸಿಡ್‌ ಎರಚಿದೆ ಎಂದು ಸುಳ್ಳು ಸುದ್ದಿ ಹಬ್ಬಿಸಿದ್ದಳು. ಈ ಬಗ್ಗೆ ಸಂಶಯ ಬಂದ ಪೊಲೀಸರು ತನಿಖೆ ಕೈಗೊಂಡಿದ್ದರು. ಘಟನೆ ಬಗ್ಗೆ   ನೆರೆ-ಹೊರೆಯವರನ್ನು ವಿಚಾರಿಸಿದಾಗ ಅಸಲಿ ವಿಷಯ ಹೊರ ಬಂದಿದೆ. 

ಈ ಘಟನೆ ಕುರಿತು ಮಾಲಾಪ್ಪುರಂ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸುಬೈದಾಳನ್ನು ಬಂಧಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಈ, ಇ ವರದಿ