فکروخبر کا سارا اسٹاف ہر میدان میں ماہر ہو: ایڈیٹر انچیف

مولانا موصوف نے اس موقع پر کہا کہ فکروخبر کے منظرِ عام پر لائے جانے کا مقصد تجارت نہیں بلکہ دعوتِ دین ہے۔ فکروخبر کی مقبولیت پر اللہ کا شکر بجالاتے ہوئے پیچھے دیکھنے کے بجائے مزید نئے عزم اور حوصلہ کے ساتھ ہم سب کو کا م کرنا ہے ۔ ابھی تو ہمارا آغاز ہے ، اگلے دنوں میں ذمہ داریاں بڑھتی جائیں گی، فکروخبر ادارے کے ساتھ دیگر ویب سائٹس اور بہت سارے منصوبے جڑتے جائیں گے۔ اس موقع پر فکروخبر کے ایڈیٹر مولانا انصار عزیز ندوی ، کوئیز مقابلے کے انعقاد کی تفصیل اور دیگر کچھ اہم امور عملے کے سامنے رکھنے کے بعد رائے مشورے لیتے ہوئے مولانا موصوف کا فیصلہ اسٹاف کے سامنے رکھا۔ اس موقع پر مولانا عبدالاحد ندوی، مولانا عبدالمغنی اکرمی ندوی ، مولانا عتیق الرحمن ڈانگی ندوی ، جناب محمد نوید مصباح ، جناب رحمت اللہ ، جناب زبیر مالکی اور جناب صدیق سعدا موجود تھے ۔