پولیس جیپ نے خاتون کی جان لے لی

رکشہ رامل کٹے کے قریب ایک سوار کو اتارنے کے لیے رکا تو فلومینا بھی سوار کوآسانی فراہم کرنے رکشہ سے اُتر گئی۔سوار کے فراغت کے بعد جب دوبارہ سوار ہونے لگی تو اسی وقت ایک تیز رفتار پولیس جیب رکشہ سے ٹکراگئی جس کی وجہ سے فلومینا نیچے گرگئی اور رکشہ اس کو کچلتے ہوئے آگے بڑھ گیا اسپتال پہنچانے سے پہلے ہی فلومیادم توڑ گئی تھی۔ مہلوک خاتون سماجی کارکن کے طور پر علاقے میں کام کیا کرتی تھی ۔ بنٹوال پولیس نے معاملہ درج کرلیا ہے ۔ 

چھ مضامین میں ناکام: دلبرداشتہ طالبِ علم نے کرلی خودکشی

بچپے19؍ مئی (فکروخبرنیوز) چھ مضامین میں ناکام ہونے سے پریشان ایک طالب علم کی جانب سے ندی میں چھلانگ لگا کر خودکشی کرلئے جانے کی واردات بچپے میں پیش آئی ہے۔ خودکشی کرنے والے طالب علم کی شناخت ششی کمار (25)طالب علم سری دیوی انجینئرنگ کالج کی حیثیت سے کرلی گئی ہے جو کہ کوکّاڑانامی علاقے کا مقیم ہے ۔ بتایا جارہا ہے کہ یہ میکنیکل انجینئرنگ کا طالب علم تھا جو کرامبور میں ایک مکان کرایہ پر لے کر اپنے دیگر دو ساتھیوں کے ساتھ رہتا تھا ۔ ذرائع کے مطابق ششی کمارچھ مضامین میں ناکام ہونے کی وجہ سے یہ انتہائی قدم اٹھایا ہے ،یہ بھی کہا جارہا ہے کہ ششی کمار سنیچر کی رات اپنے ہی کمرہ میں رات تین بجے چھت سے لٹک کر خودکشی کرنے کی کوشش کی تھی لیکن اس کے ساتھیوں نے اس کوروک دیا ۔ کچھ دیر بعد وہ کمرہ سے لاپتہ ہوگیا ۔ کمرہ کے ساتھیوں نے فوراً اس بات کی اطلاع والدین کو کردی ۔ آج صبح ایک تالاب میں اس کی لاش ملی ہے جہاں وہ اکثر پڑھائی کیا کرتا تھا۔