دینِ اسلام محدود اورغیر ضرر تفریح کی اجازت دیتا ہے: مولانا الیاس ندویؔ

مولانا نے اس موقع پر کہا کہ احادیث کے حوالے سے جہاں بچوں کی صحیح تربیت پر توجہ دینے کی تلقین کی وہیں واضح الفاظوں میں کہا کہ دین کے معاملہ میں کسی بھی طرح کاسمجھوتہ نہ کیا جائے۔ اپنے بیان میں حاضرین کو حلال کمائی کے ذرائع اپنانے پر زور دیا۔ ملحوظ رہے کہ یہ تقریب مولانا کی آمد پر استقبالیہ نشست کے ساتھ ساتھ بھٹکلی احباب کو ان کی روزہ مرہ کی مصروف ترین زندگی سے ہٹا کر کچھ دیر کے لیے آپسی میل ملاپ کے لیے منعقد کی گئی تھی۔ مولانا موصوف ہی کے ہاتھوں سے ایسوسی ایشن کی جانب اشاعت کردہ میگزین کا بھی اجراء عمل میں آیا جس میں یہاں کے جماعت کی تاریخ کو پیش کیا گیا ہے۔ اس موقع پر پکوان مقابلے اور دیگر شرکاء کے لئے تفریحی کھیلوں کا بھی انعقاد کیا گیا تھا جس میں شرکاء نے بڑھ چڑھ کر حصہ لیتے ہوئے تقریب میں جان پھونکی۔ اس موقع پر جماعت کے ذمہ داران اور کثیر تعداد میں شرکاء موجود تھے۔