سلیا 26 مارچ 2023 (فکروخبرنیوز/ذرائع) تعمیراتی کام کے دوران تین مزدور دیوار گرنے سے ہلاک ہوگئے جبکہ چار افراد خود بچانے میں کامیاب رہے۔ یہ واقعہ گرومپو میں کل دوپہر کو پیش آیا۔ ڈیڑھ گھنٹے سے زیادہ کے مسلسل آپریشن کے بعد تینوں مزدوروں کو مٹی سے باہر نکالا گیا لیکن تب تک وہ دم توڑ چکے تھے۔ مہلوکین کا تعلق گدگ سے بتایا جارہا ہے جن کی شناخت سوما شیکھرا ریڈی (45)، اس کی بیوی شانتا (35) اور چندرپا (50) کی حیثیت سے کرلی گئی ہے۔

سوما شیکھر اور شانتھا جوڑے کے دو بچے ہیں۔ ایک سلیا کے جونیئر کالج میں پڑھ رہا ہے، جبکہ دوسرا گدگ میں تعلیم حاصل کر رہا ہے۔

تفصیلات کے مطابق ابو بکرنامی شخص کے گھر کے پیچھے رینٹیننگ وال بنانے کا کام ہفتے کے روز شروع ہوا۔ سات مزدور رکھے گئے تھے۔ تین ستون کے گڑھے میں لوہے کی سلاخیں جوڑ رہے تھے جبکہ چار اوپر کام کر رہے تھے۔ پہاڑی کا ایک حصہ گرنے لگا۔ جبکہ اوپر والے چار افراد بھاگ کر فرار ہو گئے، تین جو کہ ستون کے گڑھے کے قریب کام کر رہے تھے مٹی کے ڈھیر کے نیچے دب گئے۔

وزیر انگارا اور دیگر حکام نے جائے وقوعہ کا دورہ کیا۔ دریں اثناء یہ شکایات ہیں کہ باہر کے ضلع کے مزدوروں کو تعمیراتی کام کے دوران تحفظ نہیں دیا جاتا ہے۔

مزدور رہنماؤں اور سی آئی ٹی یو کے عہدیداروں نے سلیا پولس اسٹیشن کے سامنے احتجاج کرتے ہوئے ہلاک ہونے والے مزدوروں کو معاوضہ دینے کا مطالبہ کیا۔

ملٹیش ریڈی کی طرف سے درج کرائی گئی شکایت کے مطابق گھر کے مالک ابو بکر، میسن ناگراج اور انجینئر وجئے کمار کے خلاف سلیا پولس اسٹیشن میں معاملہ درج کیا گیا ہے۔