شرنگیری میں بجرنگیوں کی غنڈہ گردی عروج پر

تازہ اطلاع کے مطابق اے این ایف کی جانب سے نکسل سمجھ کر قتل کیے جانے والے نوجوان کبیر کی لاش لانے کے لیے جب منگلور سے شرنگیری جارہے تھے توبجرنگ دل کے کچھ لوگوں نے پتھر ، خنجر اور ڈنڈوں سے پولیس کی موجود گی میں ان پر حملہ بول دیا حملہ میں جوکٹے کا مقیم سلام (25) سخت زخمی ہوگیا جس کو شہر کے ایک اسپتال میں بھرتی کیا گیا ہے ۔ سلام کے بیان کے مطابق تیس سے پینتیس حملہ آوروں کے ایک گروپ نے ان پر اچانک حملہ کردیا۔ محمد اسماعیل عرف مونو جو مقتول کبیر کا بھائی اس کو بھی بجرنگیوں نے اپنے ظلم کا نشانہ بنایا ۔ اس نے بتایا کہ ان کو شرنگیری کے اسپتال میں ابتدائی طبی امداد دی گئی ۔ اے این ایف کی جانب سے کبیر کو قتل کئے جانے پر برہم عوام نے بند کا اعلان کیا تھا جس کی وجہ سے پولیس کی مزید فورس تعیینات کی گئی ہے ۔ملحوظ رہے کہ سنیچر کی رات کبیر کو سپرد خاک کیا گیا جس کے جنازہ میں ہزاروں لوگوں نے شرکت کی ۔ ذرائع کے مطابق یہ تعداد تقریباً دس ہزار تک پہنچی تھی ۔ کاٹے پلّا ، کرشنا پور اور آس پاس کے علاقے کے لوگوں نے اس موقع پر اپنا کاروبار بند رکھا ۔ علاقے کے ایم ایل اے محی الدین باوا کو لوگوں نے خوب سست سنائی ۔ ایم ایل اے لوگوں کو اطمینان دلایا ہے کہ یہ مسئلہ ڈی جی پی کے ساتھ ساتھ ریاست کے وزیر اعلیٰ تک بھی پہنچایا جائے گا اورمسئلہ حل کرنے کی کوشش کی جائے گی ۔