07؍ دسمبر 2022(فکروخبر/ذرائع) کرناٹک کے وزیر داخلہ آراگا جنیندرا نے کہا کہ بیلگاوی میں 350 سے زیادہ پولیس اہلکار تعیینات کیے گئے ہیں۔ مزید کہا کہ سرحدی علاقہ آج پرامن ہے۔ کرناٹک کے وزیر داخلہ اراگا جنیندرا نے انڈیا ٹوڈے کے ساتھ بات چیت میں کہا کہ سرحدی ضلع بیلگاوی میں 350 سے زیادہ پولیس اہلکار تعینات کیے گئے ہیں، جہاں منگل کو کشیدگی بڑھ گئی۔ وزیر داخلہ نے مزید کہا کہ بیلگاوی آج بدھ کو پرامن ہے۔

وزیر داخلہ کے مطابق کل کچھ واقعات رونما ہوئے۔ ایف آئی آر درج ہیں۔ پولیس کنڑ حامی تنظیموں کے ساتھ رابطے میں ہے۔ بیلگاوی آج پُرامن ہے۔  شیو سینا کے لیڈر کہہ رہے ہیں کہ وہ کرناٹک میں داخل ہونا چاہتے ہیں۔ وہ ایسے بولتے ہیں جیسے وہ جنگ میں آ رہے ہوں۔ اس کے لیے یہ صحیح وقت نہیں ہے۔

کرناٹک کے وزیر داخلہ کے بیانات مہاراشٹرا اسٹیٹ روڈ ٹرانسپورٹ کارپوریشن (MSRTC) کی جانب سے کرناٹک کے لیے بس سروس معطل کیے جانے کے بعد سامنے آئے ہیں۔ مہاراشٹر حکومت نے کہا کہ خدمات کو دوبارہ شروع کرنے کا مطالبہ مسافروں اور بسوں کی حفاظت کے بارے میں پولیس کی منظوری کے بعد کیا جائے گا۔

مہاراشٹر حکومت کے ایک بیان میں کہا گیا ہے کہ یہ پولیس کی جانب سے سیکورٹی الرٹ کے بعد کیا گیا ہے کہ کرناٹک میں احتجاج کے دوران بسوں پر حملہ کیا جا سکتا ہے۔

یاد رہے کہ پونے سے بنگلورو جانے والی لاری پر منگل کو بیلگاوی میں کنڑ حامی تنظیموں کے ارکان نے حملہ کیا۔ لاری پر پتھراؤ کیا گیا اور قصبے میں مہاراشٹر کے رجسٹریشن والے چند ٹرکوں کی نمبر پلیٹیں ختم کر دی گئیں۔

مہاراشٹر میں بھی توڑ پھوڑ کے واقعات رپورٹ ہوئے۔ ادھو ٹھاکرے کی قیادت والی شیو سینا کے کارکنوں کو پونے کرناٹک نمبر پلیٹ والی بسوں پر حملہ کرنے کے بعد حراست میں لے لیا گیا۔ سینا کے کارکنوں نے پرائیویٹ بس اسٹینڈ میں گھس کر کم از کم تین ریاستی ٹرانسپورٹ بسوں پر سیاہ اور  زعفرانی رنگ پھینکا۔

انڈیا ٹوڈے کے ان پٹ کے ساتھ