رائچور19؍ ستمبر2022(فکروخبرنیوز/ذرائع) کرناٹک کے رائچور میں دریائے تنگابدرا پر ہائیڈل پروجیکٹ کا دورہ کرنے گئے دو طلباء ڈیم کے قریب واقع نہر میں ڈوب گئے۔ یہ دونوں طلباء چار افراد کے اس گروپ کا حصہ تھے جو چھٹی کے دن ڈیم پر گئے تھے اور اتوار 18 ستمبر کو لاپتہ ہو گئے تھے۔بتایا گیا ہے کہ طلباء سیلفی لینے کی کوشش کر رہے تھے کہ پھسل کر گر گئے۔

مہلوک طالب علموں کی شناخت سوجیت اور ویبھو کے طور پر ہوئی ہے، دونوں کی عمریں 16 سال ہیں۔ سوجیت اور ویبھو بنگلور کے دیہی ضلع کے دودابلا پور کے ودیا ندھی کالج میں پڑھ رہے تھے۔ طلباء این آر شیٹی ہائیڈل پروجیکٹ پر گئے تھے جو عام طور پر جزوی طور پر عوام کے لیے بند رہتا ہے۔

پولیس کے مطابق چارطلباء تنگابھادرا بائیں کنارے کی نہر میں کالاملا کے قریب پکنک منانے گئے تھے۔ یہ چاروں افراد نہر کے قریب سیلفی لینے کی کوشش کر رہے تھے کہ پھسل کر پانی میں گر گئے۔ جب کہ ان میں سے دو تیر کر محفوظ مقام پر پہنچنے میں کامیاب ہو گئے، باقی دو ڈوب گئے۔ رائچور دیہی پولیس اور فائر فورس کے عملے نے موقع پر پہنچ کر بچاؤ کام شروع کیا۔ ایک دن کی تلاش کے بعد ہائیڈل پراجیکٹ کے قریب نہر سے دو طالب علموں کی لاشیں نکالی گئیں اور انہیں رمز اسپتال لے جایا گیا۔ مزید تفتیش جاری ہے۔

اپریل 2022 میں کرناٹک کے اڈپی ضلع کے سینٹ میری جزیرے پر تصویریں لینے کی کوشش کرتے ہوئے کرناٹک کے کالج کے دو طالب علم اسی طرح ڈوب گئے۔ دو طالب علموں کی شناخت ستیش نندی ہلی کے طور پر کی گئی ہے، جن کا تعلق ہاویری ضلع سے تھا، اور ستیش کلیان، جو باگل کوٹ سے ہے۔ رپورٹس کے مطابق دونوں کی عمریں بیس کی قریب تھیں۔

اطلاعات کے مطابق یہ دونوں بنگلورو میں واقع جی کے وی کے زرعی یونیورسٹی کے طالب علم تھے، اور کالج کے دورے کے لیے تقریباً 60 دیگر طلبہ کے ساتھ  ملپے میں واقع جزیرے پر گئے تھے