کاپو 13 اگست 2022(فکروخبرنیوز/ذر ائع) پولیپو سرکل میں کرائے کے مکان میں بجلی کے شارٹ سرکٹ کی وجہ سے آگ لگنے سے لاکھوں روپے مالیت کا گھریلو سامان جل کر خاکستر ہوگیا۔

آگ لگنے کا واقعہ پولیپو لکشمی نارائنا کامپلیکس کے مکان میں پیش آیا جس میں گروراج اور شکیلہ کرائے پر رہتے ہیں۔ فریج میں شارٹ سرکٹ ہوا۔ آگ ان کے پڑوسی کرشنا راج کے گھر میں بھی گھس گئی۔

آگ لگنے سے گھر کا تمام سامان جیسے فریج، پنکھے، کپڑے اور بجلی کی تاریں جل کر خاکستر ہوگئیں۔ تباہ شدہ اشیاء کی کل لاگت 3.5 لاکھ روپے ہے۔

کرشنا راج، جس کا مکان گروراج کے کرائے کے مکان سے منسلک ہے، میں بھی آگ لگ گئی اور پنکھے اور بجلی کی تاریں جل گئیں جس سے ہزاروں روپیے کا نقصان ہوا۔

اُڈپی فائر سروس کے اہلکاروں اور مقامی نوجوانوں کی بروقت کارروائی سے آگ پر فوری طور پر قابو پالیا گیا۔ اس سے ایک بڑا ٹل گیا ۔

حادثہ میں گھر کے مکینوں میں گروراج ، اس کی بیوی اور بچے بچ گئے کیونکہ گروراج اپنے یومیہ اجرت کے کام پر گیا ہوا تھا، جب کہ اس کی بیوی شکیلہ اپنے بچوں کو اسکول لے گئی۔ بچوں کو سکول چھوڑنے کے بعد شکیلہ کاپو مارکیٹ چلی گئی۔ تب تک آگ نے گھر کے کچھ حصے اور پڑوسی کے گھر کو بھی اپنی لپیٹ میں لے لیا تھا۔