بنگلورو23؍ مئی 2022(فکروخبرنیوز/ذرائع) کرناٹک کے کانگریس ایم ایل اے بی زیڈ ضمیر احمد خان کی جانب سے ایک دلت کو کھانا کھلانے اور بعد میں اسے زبردستی منہ سے نکالنے کے بعد کھانے کا ویڈیو میں وائرل ہوا ہے۔

کانگریس ایم ایل اے نے دعویٰ کیا کہ انہوں نے یہ ظاہر کرنے کے لیے کیا کہ لوگوں میں ذات پات اور مذہب کا کوئی فرق نہیں ہے۔ تاہم اس ویڈیو سے سوشل میڈیا پر ملے جلے ردعمل سامنے آرہا ہے

یہ واقعہ اتوار کو اس وقت پیش آیا جب دلت طبقہ سے تعلق رکھنے والے نارائنا سوامی جی ڈاکٹر امبیڈکر جینتی اور عید  ملن کی مشترکہ تقریب میں شریک تھے۔ تقریر کرتے ہوئے ضمیر جذباتی ہو گئے اور اس سے پہلے کہ سامعین سمجھ پاتے کہ کیا ہو رہا ہے، انہوں نے اپنے اس عمل سے سب کو چونکا دیا۔

دلت سوامی کے منہ سے نکالے گئے کھانا کھانے کے بعد ضمیر نے کہا کہ انسانیت تمام انسانوں کو ملاتی ہے اور ذات اور مذہب سے بالاتر ہے۔

ضمیر نے تقریب کے دوران شہری کارکنوں کو کھانا بھی پیش کیا۔ اس نے ایک مسلمان مولوی سے کھانا بھی لیا اور کھایا۔ انہوں نے کہا کہ اصل چیز انسانوں کی طرح زندگی گزارنا ہے۔ انہوں نے مزید کہا کہ ہم سب کو بھائیوں کی طرح رہنا چاہیے۔