بنگلورو22 مئی2022(فکروخبرنیوز/ذرائع) تیل، سبزیوں، کھانا پکانے کی گیس وغیرہ جیسے اشیائے ضروریہ کی مسلسل بڑھتی ہوئی قیمتوں کی وجہ سے عام لوگوں کو اپنا گزارہ پورا کرنے میں مشکل کا سامنا ہے۔

اس کے علاوہ پیٹرول، ڈیزل، سونے اور چاندی کی آسمان چھوتی قیمتوں کی وجہ سے بوجھ زیادہ ہے۔ لیکن لگتا ہے کہ عوامی نمائندوں کو عام لوگوں کی حالت زار کی کوئی پرواہ نہیں۔ ان کی تنخواہوں میں 2.05 لاکھ روپے ماہانہ اضافہ کیا گیا ہے۔

فروری 2022 میں اس سلسلے میں قانون ساز اسمبلی میں تنخواہ، پنشن اور الاؤنس ایکٹ میں ترمیم منظور کی گئی۔ قانون اور پارلیمانی امور کے وزیر جے سی مادھسوامی نے قانون ساز اسمبلی میں ترمیم پیش کی تھی اور اس بل کو منظور کرایا تھا۔

ایک ایم ایل اے کی بنیادی تنخواہ 40,000 روپے ہے۔ ایم ایل اے کو 60000 روپے کا حلقہ الاؤنس کے علاوہ 60000 روپے کا سفری الاؤنس، 20000 روپے کا عملہ اور معاونین کا الاؤنس 5000 روپے کا پوسٹل الاؤنس اور 20000 روپے کا فون الاؤنس ملتاہے۔ نئے پے اسکیل کے مطابق ایم ایل ایز اور ایم ایل سی کی تنخواہوں میں 60 فیصد اضافہ، وزیراعلیٰ، وزراء، اسپیکر اور اپوزیشن لیڈر کی تنخواہوں میں 50 فیصد اضافہ کیا گیا ہے

نظرثانی شدہ تنخواہ کے پیمانے یکم اپریل 2022 سے ہی ایم ایل ایز کے لیے لاگو ہوں گے۔ عوامی نمائندوں کی تنخواہوں میں اضافے سے سرکاری خزانے پر سالانہ 92.40 کروڑ روپے کا بوجھ پڑے گا۔

ذرائع : ڈائجی ورلڈ