English   /   Kannada   /   Nawayathi

شہد کی مکھی کے ایک ڈنک سے دلہا دلہن ہمیشہ کے لیے جدا!

share with us


قاہرہ: 15/مئی/2022(فکروخبر/ذرائع)مصر میں ایک نوجوان شہد کی مکھی کے زہریلے ڈنک سے پہلے کومے میں چلا گیا اور بعد ازاں موت کا شکار ہو گیا۔

تفصیلات کے مطابق مصر کی الغربیہ کمشنری میں ایک نوجوان شہد کی مکھی کے ڈنک سے ہلاک ہو گیا، نوجوان کو فوری طبی امداد فراہم کی گئی مگر وہ جاں بر نہ ہو سکا۔

مصری ذرائع ابلاغ کے مطابق 32 سالہ نادر الجزار کی حال ہی میں شادی ہوئی تھی، اس نے ایک فارم ہاؤس کرائے پر حاصل کیا تھا جہاں وہ مختلف اقسام کی اجناس کا ذخیرہ کر کے انھیں مارکیٹ میں فروخت کرنے کا کام کرتا تھا۔

فارم ہاؤس کے معائنے کے دوران اسے شہد کی مکھی نے کاٹ لیا، طبیعت بگڑنے پر اسے فوری طور پر قریبی اسپتال لے جایا گیا جہاں ڈاکٹروں نے طبی معائنہ کرنے کے بعد فوری امداد فراہم کی مگر وہ کومے میں چلا گیا۔

نادرالجزار کی جان بچانے کی تمام کوششیں ناکام ثابت ہوئیں، شہد کی مکھی کا زہر اس کے جسم میں پھیل چکا تھا جس سے اس کی ہلاکت ہوئی۔

بعد ازاں انکشاف ہوا کہ نوجوان ایک قسم کی الرجی کا مریض تھا جس کی وجہ سے شہد کی مکھی کا زہر اس کے لیے جان لیوا بن گیا۔

 

 

ARY News Urdu

 

 

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا