پلی کولامناسا پارک کے خاتون ملازم پر سیاحوں کا حملہ

زخمی ملازم خاتون کی شناخت وبھا کی حیثیت سے کرلی گئی ہے جو یہاں موجود جانوروں کی دیکھ بھال کرتے ہیں۔ اطلاع ملی ہے کہ حملہ آوروں کی جانب سے خوب زدوکوب کی گئی ہے اور بچ بچاؤ کرنے آئے ایک متعلقہ شخص پر بھی سیاحوں نے حملہ کیا ہے ۔ زخمی خاتون نے حملہ آوروں کی شناخت بتاتے ہوئے کلاکوڑی نامی علاقے کے مقیم پشپاراج، وندنا، بجال۔ آدرش نگر کے وکرم ، جیون وغیرہ کا نام لیا ہے ۔ واقعہ کے مطابق سیاح یہاں کے ایک کچھوے کو ہاتھ میں لے کر اس کی ویڈیو گرافی کررہے تھے۔ اس پر ڈاکٹر وبھا نے اعتراض جتاتے ہوئے کہا کہ یہ جانوروں کے لیے ٹھیک نہیں اور پارک کے اُصولوں کے بھی خلاف ہے ۔ اس سے ناراض سیاحوں میں موجود ایک عورت گالی گلوچ کرتے ہوئے ڈاکٹر وبھا کو دھکیل دیا۔ اسی موقع پر دوسرے سیاحوں نے بھی وبھا پر حملہ کردیا ہے ۔ کاوور پولس تھانے میں مقدمہ درج کیا گیا ہے ، مزید تفتیش جاری ہے ۔