سری لنکن تمل مہاجرین کو اسمگلنگ کررہا گروہ بے نقاب

پولس نے بیان دیا ہے کہ جن پانچ افراد کو گرفتار کیاگیا ہے وہ ان لوگوں کو سمندر کے راستے آسٹریلیا پہنچانے کا جھوٹا دلاسہ دئے ہوئے تھے۔ اور ہر ایک سے ایک لاکھ روپئے وصول رہے تھے ۔ا س بنا پر ان کو تمل ناڈ سے لاکر بیلتنڈی کے ایک لاڈج میں لاکر رکھے ہوئے تھے۔ ان کو دریا کے راستے پر لے جانے کے لیے منجیشور کے ایک شخص سے بوٹ خریدنے کے لیے دو لاکھ روپئے بطورِ اڈوانس بھی دیا تھا۔ پولس کو خفیہ اطلاع ملنے پر کرائم برانچ پولس سمیت دھاوا بولدیا اور ملزمین کو گرفتار کرلیا ہے ،۔ گرفتار شدگان کی شناخت ڈورنگٹن (40) نکسن ڈیون(38) توراسا (46) کنن (31) کارتھی کین (40) کی حیثیت سے کرلی گئی ہے۔ ان لوگوں میں 29مرد، 22عورتیں، 18لڑکے، 19لڑکیاں تھی۔ ملحوظ رہے کہ ستمبر 2012میں بھی پولس نے ایسے ہی ایک گروہ کو بے نقاب کیا تھا۔ گرفتارشدگان سے 25,940روپئے نقد، پانچ موبائل ، دو آئی ڈی کارڈ وغیرہ ضبط کئے گئے ہیں۔