English   /   Kannada   /   Nawayathi

محبوبہ مفتی کا جے ڈی اے انہدامی کارروائی کے متاثرین کنبوں سے ملاقات

share with us

:18جنوری2021(فکروخبرنیوز/ذرائع)جموں و کشمیر کی سابق وزیر اعلیٰ و پیپلز ڈیموکریٹک پارٹی کی صدر محبوبہ مفتی نے آج روپ نگر علاقہ کا دورہ کیا اور انہدامی کارروائی سے متاثرہ افراد سے اظہار یکجہتی کی۔

انہوں نے جموں میں گوجر بکروال طبقہ کے لوگوں کو بے گھر کرنے پر مرکز اور جموں و کشمیر انتظامیہ کو نشانہ بناتے ہوئے کہا کہ ایک طرف قبائلی اور پسماندہ طبقوں سے تعلق رکھنے والے لوگوں کو بے گھر کرکے مرکزی حکومت بیرون ریاست کے لوگوں کو یہاں بسانے کی کوشش کر رہا ہیں اور دوسری جانب پسماندہ طبقوں کو بااختیار بنانے کی بڑی بڑی باتیں پیش کرتی ہیں۔

جموں ڈولمپنٹ اتھارٹی کی جانب سے روپ نگر میں مخصوص طبقے کو نشانہ بنانے اور اُن کے مکان منہدم کرنے کے اقدامات کی شدید الفاظ میں مذمت کرتے ہوئے محبوبہ مفتی نے کہا کہ اس غیر قانونی اور بلا جواز کارروائی پر فوری روک لگانے کی ضرورت ہے۔
انہوں نے کہا کہ بھاجپا کے برسراقتدار میں آنے کے ساتھ ہی جموں میں اقلیتی طبقہ کو مختلف طریقوں سے پریشان کرنے کی شروعات ہوئی، جنگلاتی اراضی کے نام پر مسلمانوں کے گھروں پر بلڈوزر چلائے گئے۔

انہوں نے کہا حکومت کو اس بات کی وضاحت کرنی چاہئے کہ پورے جموں کو چھوڑ کر اُنہی علاقوں میں انہدامی کارروائی کیوں کی جارہی ہے جہاں مسلمان قیام پذیر ہیں۔
محبوبہ مفتی نے متاثرہ افراد سے پارٹی کی طرف سے مدد کرنے کا وعدہ بھی کیا ہے۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا