:اور ہر طرح کے
جیل میں بند مسلم سیاسی رہنما مختار انصاری کا انتق ... کولار ٹکٹ کو لے کر کانگریس میں اختلافات ، جانیے کی ... کرناٹک میں گرمی چالیس کے پار ، اگلے تین دنوں میں د ... فلسطینیوں کو اُن کے وطن کے حق سے محروم کردیا گیا ہ ... میگھالیہ: سی اے اے ریلی کے دوران ۲؍ افراد کا قتل ... جناردن ریڈی کے لیے لال قالین کیوں ؟ کانگریس کا وز ... عاپ کے اراکین اسمبلی کا سنسنی خیز دعوی ... صفا بیت المال کے زیر اہتمام کمپیوٹر کلاسس، مہندی ...
:اور ہر طرح کے
جیل میں بند مسلم سیاسی رہنما مختار انصاری کا انتق ... کولار ٹکٹ کو لے کر کانگریس میں اختلافات ، جانیے کی ... کرناٹک میں گرمی چالیس کے پار ، اگلے تین دنوں میں د ... فلسطینیوں کو اُن کے وطن کے حق سے محروم کردیا گیا ہ ... میگھالیہ: سی اے اے ریلی کے دوران ۲؍ افراد کا قتل ... جناردن ریڈی کے لیے لال قالین کیوں ؟ کانگریس کا وز ... عاپ کے اراکین اسمبلی کا سنسنی خیز دعوی ... صفا بیت المال کے زیر اہتمام کمپیوٹر کلاسس، مہندی ...
منکی کی ابھرتی ہوئی شاعرہ شبانہ ثمین نے سرزمین منکی کو سلام عرض کیا جن کا کلام آواز میں منفرد مقام رکھنے والے مولوی عرفات کٹنگری نے اپنے ساتھیوں سمیت سامعین کے گوش گذار کیا ۔ جن کے کچھ اشعار ملاحظہ ہوں ۔
معطر معطر تو گلزارِ نکہت, تری خاک میں ہے محبت محبت
ہے نظرانۂ دل خراجِ عقیدت ,سلام عرضِ منکی سلام محبت
تیری صبح صبحِ بنارس کا پرتو, تری شام میں ہے اودھ جیسا جادو
مچلتی ہوئی لہر اونچے وہ پربت, سلام عرضِ منکی سلام محبت
بھٹکل کے مشہور شاعر ڈاکٹر حنیف شباب نے اپنے مشہور نظم اور لائن کٹ گئی سناکر سامعین کے نام یہ پیغام دیا کہ لڑکیاں بھی جینے کا حق رکھتی ہیں اور وہ وہی رزق کھاتی ہیں جو ان کے مقدر کا ہوتا ہے ۔
طنزومزاح کے معروف شاعر جناب ڈپیکل نے اپنے اشعارکے ذریعہ خوب ہنسایا اور مشاعر ے کو گرمادیا ۔
مرے سیل فون میں بیلنس بھیجو کہتی ہے مجھ کو
نہیں بھیجوں تو وہ مجھ کو پریشاں حال کرتی ہے
مجھے الو بناتی ہے مری معشوقہ روزانہ
مرا بیلنس لے کے دوسرے کو کال کرتی ہے
بینگلور سے تشریف لائے ہوئے شاعرمبین منور نے اپنے نعتیہ کلام سنایا
ہرسال میسر ہو رمضان مدینے میں
آقا کے بنیں ہم بھی مہمان مدینے میں
ملتی ہے وہاں جھک کر افلاک کی اونچائی
رحمت کے فرشتے ہیں دربان مدینے میں
جناب عزیز الدین عزیز بیلگامی نے اپنے اشعار سے سامعین کا دل جیت لیا۔کلام کا آغاز اپنے مشہوراشعار سے کرتے ہوئے اپنے خوبصورت ترنم سے محفل میں جان بھردی۔
ایک ایسی خوشگوار سزا ہے ہمارے پاس
گالی تمہارے پاس دعا ہیں ہمارے پاس
تہذیب بے لباس کے رسیا ہ ہو تم مگر
بوسیدہ پیر ہن میں حیا ہے ہمارے پاس
موصوف نے اپنی مشہور نعت دعوت وہدایت کی اک حسیں شفق لے کر بھی حاضرین کی فرمائش پر پیش کی ۔
جوہر کانپوری کا جوش و جذبہ اور ان کی دلی کیفیات دلوں کو چیرتے ہوئے فضا میں گرمی پیدا کررہی تھی ،اور اپنے انوکھے انداز میں جہاں سامعین سے داد وصولے وہیں اشعار سے سامعین کا بھی دل جیت لیا۔
تجھے مری اندھیری شب کا جگنو بن کے رہنا ہے
مری سانسوں کے ہر غنچے میں خوشبو بن کے رہنا ہے
وطن کے دشمنوں سے ہم کو سمجھوتہ نہیں کرنا ہے
ہمیں اس ملک کے سلطان ٹیپو بن کے رہنا ہے
جناب ابومحمد کے مکان کے سلسلہ میں انہوں نے کہا۔
کہا خلوص کے دیوار ودر بناتے ہیں
یہاں تو لوگ محل و کھنڈر بناتے ہیں
گھروں کے توڑنے والوں کے درمیاں رہ کر
بہت حسین ہے جو لوگ گھر بناتے ہیں
انہوں نے اپنی مشہور نظم اسلام او ردہشت گردی بھی سنائی ۔
آواز کے بادشاہ جناب ڈاکٹر ماجد دیوبندی نے حالاتِ حاضرہ کے ذیل میں اپنے اشعار سامعین کے سامنے رکھے ۔
لاکھ خوف طاری ہو زلزلوں کے آنے کا
سلسلہ نہ چھوڑیں گے ہم بھی گھر بنانے کا
تو حدیث وقرآں میں راہِ خیر کو ڈھونڈو
ختم ہوچکا ہے انبیاء کے آنے کا
انہوں نے اپنی مشہور غزل ہردرپہ جھکے سر یہ مری شان نہیں ہے اور گیت تجھے تجھ سے چرالوں گا بھی پیش کیا ۔
اللہ مرے رزق کی برکت نہ چلی جائے
دو روز سے گھر میں کوئی مہمان نہیں ہے
گیت کے اشعار
میں تیرے حسن کو نغمات کے سانچے میں ڈھالوں گا
تجھے تجھ سے چرالوں گا تجھے تجھ سے چرالوں گا
ان شعراء کے علاوہ کاروار کے منظور فہیم ، طنزومزاح کے بادشاہ شاداب بے دھڑک ، بہترین آواز کے مالک ابراہیم نفیس ، جناب جاوید،مظہرالدین مظہر نے بھی اپنے کلام سے نوازا ۔ ملحوظ رہے کہ ابتدا ء میں بھٹکل نیوز کے ایڈیٹر جناب عتیق الرحمٰن نے مہمانوں کا تعارف کراتے ہوئے منکی قصبے کی تاریخ کے ساتھ ساتھ یہاں کے باشندوں کی خصوصیات کو مہمانوں کے سامنے پیش کیا۔اس مشاعرے کی تلاوت محمد عبادہ نے کی ، ماسٹررضوان نے نعت پیش کی اور حسن باپو حسن باپا نے استقبالیہ کلمات پیش کئے ۔ نظامت کے فرائض جناب رحمت اللہ راہی نے بہترین انداز میں انجام دےئے ۔ قریب دو سوا دو بجے یہ مشاعرہ اختتام کو پہونچا ۔
Fajr | فجر | |
Dhuhr | الظهر | |
Asr | عصر | |
Maghrib | مغرب | |
Isha | عشا |