ہندو شدت پسندوں کا عیسائی عبادت گاہ پر حملہ ،7زخمی

^{بجرنگ دل کو شبہ تھا کہ وہاں مذہب تبدیلی کی سرگرمیاں انجام دی جارہی ہیں ۔یہ حملہ جمعہ کی رات کو کیا گیا تھا جس کے بعد کارکنوں نے ایک شخص کے خلاف پولیس میں شکایت درج کرائی اور الزام لگایا کہ وہ تبدیلی مذہب میں ملوث ہے۔ بجرنگ دل کے کارکنوں کا ایک گروپ موڈوبیلی میں ایک آدمی کے مکان پر پہنچا اور اس نے عبادت گاہ میں جمع لوگوں کو مارا پیٹا ۔پولیس نے کہا ہے کہ ان میں سے 19لوگوں کو گرفتار کیا گیا ہے۔ سینئر افسران جن میں انسپکٹر جنرل پولیس پرتاپ ریڈی بھی شامل ہیں نے جگہ کا دورہ کیا ہے۔اڈوپی اور منگلور کے ساحلی اضلاع میں ماضی میں گرجا گھروں پر حملے دیکھے گئے ہیں اور یہ حملے اس شبہ میں کئے گئے کہ وہاں مذہب کی تبدیلی کی سرگرمیاں کی جارہی ہیں۔}