منگلورو 24 نومبر 2021 (فکروخبرنیوز/ذرائع) اینٹی کرپشن بیورو کے اہلکاروں نے کرناٹک میں بیک وقت 60 مقامات پرآج چھاپے مارے۔ آٹھ سپرنٹنڈنٹ آف پولیس، 100 افسران اور 300 عملے سمیت 300 اہلکاروں پر مشتمل ایک ٹیم نے یہ چھاپے مارے جن میں ان کے معلوم ذرائع آمدن سے غیر متناسب دولت جمع کرنے کی شکایات تھیں۔

کے ایس لنگے گوڑا، اسمارٹ سٹی لمیٹڈ منگلورو کے ایگزیکٹو انجینئر ان عہدیداروں میں سے ایک ہیں جنہیں اے سی بی کے عہدیداروں نے نشانہ بنایا ہے۔ اروا میں گوڑا کی رہائش گاہ پر اے سی بی کی سات رکنی ٹیم نے چھاپہ مارا۔

سری نواس کے ہیماوتی لیفٹ بینک کینال منڈیا کے ایگزیکٹیو انجینئر لکشمنراسمہیا، ریونیو انسپکٹر دودابلا پورواسودیو نرمی کیندر بنگلورو کے سابق پروجیکٹ منیجر بی کشنا ریڈی، جنرل منیجر نندنی ڈیری بنگلورو ٹی ایس رودریشپا، جوائنٹ ڈائریکٹر کلچر ڈپارٹمنٹ گدگ اے کے مستی، کوآپریٹو ڈیولپمنٹ آفیسر سونداتی، سداشیو مارلنگنوار، سینئر موٹر انسپکٹر گوکاک ناتھا جی ہیراجی پاٹل، ہیسکام بیلگاوی کے ایس شیوانند، ریٹائرڈ سب رجسٹرار بلاری، راج شیکھر، فزیو تھراپسٹ سرکاری اسپتال، ایف۔ بی بی ایم پی، ایل سی ناگراج، انتظامی افسر، ساکالا بنگلورو، جی وی گری گروپ ڈی، بی بی ایم پی یشونت پورہ اور ایس ایم بیرادار، جونیئر انجینئر پی ڈبلیو ڈی جیورگی دیگر اہلکار ہیں جن پر چھاپے مارے گئے ہیں۔