:10؍مئی 2021(فکروخبرنیوز/ذرائع)وزیر اعلی ممتا بنرجی کی کابینہ کے اراکین نے آج حلف لے لیا۔ گورنر جگدیپ دھنکر نے راج بھون میں منعقد حلف برادری کی سادہ تقریب میں ترنمول کانگریس کے کئی رہنماؤں کو حلف دلایا۔ اس بار پرانے رہنماؤں کے ساتھ ممتا بنرجی کی کابینہ میں کئی نئے چہروں کو بھی جگہ دی گئی ہے۔

ممتا بنرجی کی کابینہ میں کئی نئے چہرے شامل

نئی کابینہ میں 19 وزرائے مملکت سمیت مجموعی طور پر 43 وزراء نے حلف لیا۔ امیت مترا، سبرت مکھرجی، پرتھا چٹرجی، فرہاد حکیم، جیوتی پریا ملک، مولوی گھتک، اروپ بسواس، ڈاکٹر ششی پنج اور جاوید احمد خان اور سمیت 24 ایم ایل اے نے کابینہ کے وزراء کے عہدے کا حلف لیا۔

سابق کرکٹر منوج تیواری کو وزیر مملکت بنایا گیا ہے۔

مسلم وزرا کے نام

ٹی ایم سی کے سینیئر رہنما فرہاد حکیم کولکاتا پورٹ اسمبلی حلقے سے تعلق رکھتے ہیں اور تین مرتبہ سے اسی حلقے کی نمائندگی کر رہے ہیں۔

149 قصبہ اسمبلی حلقے سے تین مرتبہ جیت کر اسمبلی پہنچنے والے جاوید احمد خان کو اس بار بھی ممتا بنرجی نے اپنی کابینہ کا حصہ بنایا ہے۔

بیربھوم سے تعلق رکھنے والے صدیق اللہ چودھری ممتا بنرجی کی کابینہ کا حصہ بنے ہیں۔

شمالی دیناج پور سے تعلق رکھنے والے محمد علام ربانی ایک مرتبہ پھر وزارت کی ذمہ داری سنبھالیں گے۔

ہمایوں کبیر کو پہلی مرتبہ وزیر مملکت (آزادانہ چارج) بنایا گیا ہے۔

آخرالزمان کو بھی وزیر مملکت بنایا گیا ہے۔

یاسمن شبینہ بھی وزیر مملکت بنی ہیں۔ ممتا بنرجی کی قیادت والی وزارت میں یہ پہلی مسلم خاتون ہیں جنہیں بھی وزرا کی صف میں شامل کیا گیا ہے۔

جن رہنماؤں کو کابینہ میں جگہ دی گئی ان کے نام۔۔۔۔