English   /   Kannada   /   Nawayathi

مصالحوں کی دنیا میں نیا نام: ملاوٹ سے پاک اور صحت بخش زاہداس مصالحہ کے دفتر کا افتتاح 

share with us

بھٹکل 16/ اکتوبر2020(فکروخبر نیوز) مصالحوں کی دنیا میں بھٹکل کے زاہداس مصالحہ کا اضافہ ہوا ہے جس کے دفتر کا آج باقاعدہ افتتاح مہتمم جامعہ اسلامیہ بھٹکل مولانا مقبول احمد کوبٹے ندوی کی دعائیہ کلمات سے ہوا۔ اس موقع پر اس کے ذمہ دار عثمان غنی مصباح نے کہا کہ اس مصالحہ کی شروعات تقریباً پاؤنے دو سال پہلے ہوئی اور ہمارے ایک کرم فرما کے اصرار پر میں چار پاکٹ تیار کرکے اسے بھیج دئیے جس کے بعد میرے بھتیجے حافظ صواف جاکٹی نے اصرار کے ساتھ کہا کہ ماموں جان آپ اس میدان میں آگے آجائیں ان شاء اللہ ہم آپ کا ساتھ دینے کے لئے تیار ہیں، لہذا ہم اس میدان میں اتر ے ہیں۔ انہوں نے بتایا کہ ہمارے پاس کل بائیس قسم کے مصالحے ہیں لیکن فی الحال سات قسم کے مصالحہ اب مارکیٹ میں موجود ہیں جن میں مندی، پایا، بیف، کڑھائی، نہاری، الفحم، سیک کباب قابلِ ذکر ہیں۔ انہوں نے اس کی خصوصیات بیان کرتے ہوئے کہا کہ بغیر کسی ملاوٹ کے ہمارے یہ مصالحہ تیار کئے جاتے ہیں اور ہم نے لوگوں کی صحت کا بھی خیال رکھا ہے۔ 
مولانا محمد الیاس ندوی نے بتایا کہ تجارت وہی ہے جس سے دوسروں کو فائدہ پہنچے اور دوسروں کی صحت کا بھی خیال رکھا ہے۔مشاہدہ میں یہ بات آرہی ہے کہ ملاوٹی اشیاء کے ساتھ تیار کردہ مصالحوں سے بیماریاں جنم لے رہی ہیں، مصالحہ اچھا ہونے پر ہماری صحت بھی اچھی رہتی ہے۔ انہوں نے بتایا کہ یہ مصالحہ ہماری ایک ضرورت پوری کرے گا اور بھٹکل سے نکل کر نہ صرف ہندوستان کی مختلف ریاستوں میں بلکہ بیرون میں بھی پہنچے گا۔ 
مولانا مقبول احمد کوبٹے ندوی نے ذمہ داران کو مبارکباد پیش کرتے ہوئے کہا کہ عوامی صحت عامہ کا خیال رکھتے ہوئے انسانی ضروریات کی تکمیل کی کوشش کی جائے گی۔
اس موقع پر زاہداس مصالحہ کا ویڈیو اشتہار بھی ریلیز کیا گیا۔ 

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا