English   /   Kannada   /   Nawayathi

جنوبی یورپ میں مہاجرین کی بڑھتی ہوئی تعداد اور۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔!

share with us

03اگست 2020(فکروخبر/ذرائع)جنوبی اٹلی میں وہ کیمپ بھی بہت زیادہ بھرے ہوئے ہیں، جہاں پناہ کے متلاشی غیر ملکیوں کی پہلی مرتبہ رجسٹریشن کی جاتی ہے۔ اس کے علاوہ مقامی آبادی میں بے چینی بڑھ رہی ہے۔ ایسا صرف اٹلی میں ہی نہیں ہے، بلکہ بحیرہ روم کے علاقے کی کئی دیگر ریاستوں کو بھی ایسے ہی حالات کا سامنا ہے۔

اٹلی کے کئی شہر ایسے ہیں، جہاں کے میئر مرکزی حکومت سے بہت ناراض ہیں۔ ان کو روم حکومت سے شکایت یہ ہے کہ ان کے زیر انتظام بلدیاتی علاقوں میں ان دنوں گرمی ناقابل برداشت حد تک پہنچ چکی ہے، اور بہت سے مہاجر کیمپ ایسے ہیں، جو بہت چھوٹے ہونے کے باوجود بھرے پڑے ہیں اور جہاں عمومی حالات ناگفتہ بہ ہیں۔ ساتھ ہی یہ بلدیاتی نمائندے یہ مطالبہ بھی کر رہے ہیں کہ ایسے مہاجر کیمپوں میں نئے مہاجرین  رکھے جانے پر پابندی لگائی جائے۔

سات ماہ میں سمندری راستے سے تیرہ ہزار مہاجرین اٹلی پہنچے

اقوام متحدہ کے مہاجرین کے امدادی ادارے کے مطابق اس سال کے دوران اب تک بحیرہ روم کے راستے صرف اٹلی پہنچنے والے مہاجرین اور تارکین وطن کی تعداد 13 ہزار سے زائد ہو چکی ہے۔ اہم بات یہ ہے کہ یہ تعداد گزشتہ برس کے دوران اسی عرصے میں اٹلی کے ساحلوں تک پہنچنے والے پناہ کے متلاشی لوگوں کے مقابلے میں نو ہزار زیادہ ہے۔


اسپین میں بھی بڑی تعداد میں الجزائر سے تارکین وطن پہنچ رہے ہیں

ان مہاجرین کی مدد کرنے والی ایک تنظیم 'سی واچ‘ کے جرمنی سے تعلق رکھنے والے رضاکار فیلِکس وائس ابھی حال ہی میں کئی ہفتوں تک اطالوی جزیرے لامپےڈوسا کے قریب سمندر میں ایسے مہاجرین کی مدد کرنے کے بعد واپس وطن پہنچے۔

فیلِکس وائس کہتے ہیں، ''اٹلی کے جزیرے لامپےڈوسا میں حالات بہت خراب ہیں اور ان میں مزید خرابی کا شدید اندیشہ ہے۔ وہاں کافی زیادہ کشیدگی پائی جاتی ہے۔ گزشتہ ایک ماہ کے دوران وہاں تقریباﹰ ساڑھے پانچ ہزار پناہ گزین پہنچے۔ اس کا مطلب ہے کہ سمندری راستے سے مہاجرین سے بھری ہوئی روزانہ کم از کم دو تین کشتیاں لامپےڈوسا کے ساحلوں تک پہنچتی ہیں۔‘‘

دو چھوٹے شپ یارڈ نذر آتش

سمندری علاقوں میں مہاجرین کی مدد کرنے والے جرمن رضاکاروں کے مطابق  لامپےڈوسا کے جزیرے پر اب تک تارکین وطن پر کوئی باقاعدہ حملے تو دیکھنے میں نہیں آئے۔ لیکن دو ایسے چھوٹے شپ یارڈ، جہاں لکڑی کی بنی ہوئی وہ کشتیاں رکھی جاتی تھیں جن میں سوار ہو کر پناہ کے متلاشی غیر ملکی یورپ تک سمندری سفر کرتے ہیں، ان کو حال ہی میں آگ لگا دی گئی تھی۔


ان کیمپوں میں کورونا وائرس کی وبا کے باعث بھی کشیدگی میں اضافہ ہوا ہے

فیلِکس وائس کے مطابق انہوں نے یہ مشاہدہ بھی کیا ہے کہ ماضی میں لامپےڈوسا کے مقامی باشندے تارکین وطن کے بارے میں کھلے پن کی سوچ کا مظاہرہ کرتے تھے، لیکن اب مقامی آبادی کی سوچ اور مزاج دونوں بدل چکے ہیں۔

ان حالات کا ذمے دار کون؟

بحیرہ روم کے پانیوں میں مہاجرین کی مدد کرنے والے رضاکاروں کے مطابق کورونا وائرس کی وبا کی وجہ سے اٹلی سمیت کئی ممالک کو اقتصادی مشکلات کا سامنا ہے۔ لامپےڈوسا کے جزیرے کو زیادہ تر آمدنی سیاحتی شعبے سے ہوتی تھی، جو اب بری طرح بحران کا شکار ہو چکا ہے۔

اس دوران ایک تنازعہ یہ بھی پیدا ہوا ہے کہ بحیرہ روم کے اطالوی جزیروں پر مقامی حکومتوں کو جس طرح کے حالات اور بےچینی کا سامنا ہے، اس کا ذمے دار کون ہے؟

Ventimiglia - The Death Pass (DW/F.Scoppa)
'موت کے راستے‘ پر زندگی داؤ پر لگاتے افغان مہاجر لڑکے
جنگل میں
پولیس کے تعاقب سے خوفزدہ کم سن افغان لڑکوں کا ایک گروپ بارہ کلو میٹر لمبے ٹریک پر روانہ ہے۔ یہ راستہ ’ڈیتھ پاس ‘ کہلاتا ہے جو اونچی نیچی ڈھلانوں اور خطرناک پہاڑوں پر مشتمل ہے اور فرانس کے سرحدی قصبے ’مونتوں‘ تک جاتا ہے۔


1234567
مقامی حکومتوں کو خدشہ ہے کہ کورونا وائرس کی وبا کی شدت میں کمی کے بعد یہی ہزاروں تارکین وطن مقامی سیاحتی شعبے کو مزید متاثر کریں گے۔ اس کے برعکس مرکزی حکومت کا ارادہ ہے کہ ان تارکین وطن کو فی الحال انہی جزیروں پر قرنطینہ میں رکھا جائے۔

عوامیت پسند سیاست دان فائدہ اٹھانے کی کوشش میں

ان حالات میں اٹلی میں دائیں باز وکی عوامیت پسند جماعت 'لیگا‘ کے رہنما ماتیو سالوینی جیسے سیاست دانوں کی کوشش ہے کہ وہ اس کشیدگی اور بے چینی کو اپنے سیاسی فائدے کے لیے استعمال کریں۔

اس کا ایک ثبوت یہ بھی ہے کہ سالوینی نے، جو ماضی میں اٹلی کے وزیر داخلہ بھی رہ چکے ہیں۔ انہوں نے پچھلے ہفتے لامپےڈوسا کے اپنے دورے کے دوران تقریر کرتے ہوئے کہا کہ اس جزیرے پر سیاحتی شعبے اور مقامی ماہی گیروں کی بری صورت حال کے ذمے دار وہ کئی ہزار مہاجرین بھی ہیں، جو آج بھی سمندری راستوں سے اس جزیرے تک پہنچ رہے ہیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا