English   /   Kannada   /   Nawayathi

دبئی ایئرپورٹ اتھارٹی کی جانب سے نئی سفری ہدایات جاری

share with us

27جولائی 2020(فکروخبر/ذرائع)دبئی ایئرپورٹ اتھارٹی نے نئی سفری ہدایات جاری کی ہیں جس پر عمل درآمد یکم اگست سے ہوگا۔ دبئی انٹرنیشنل ایئرپورٹ، دبئی ورلڈ سینٹرل ایئرپورٹ سے تمام سفر کرنے والے مسافروں پر نئی ہدایات لاگو ہوں گی۔

الامارات الیوم کے مطابق دبئی اتھارٹی کا کہنا ہے کہ اماراتی حکام کی جانب سے پروازوں کی بحالی کے بعد فضائی کمپنیوں کی منظورشدہ شیڈولڈ پروازوں کی تعداد میں مسلسل اضافہ کیا جائے گا۔

دبئی کے باشندوں کو صحت ضوابط مکمل کرنے کی صورت میں پہلے ہی فضائی سفر کی اجازت دی گئی ہے۔ اس پر 23 جون سے عمل درآمد کیا جا رہا ہے۔

دبئی ایئرپورٹس اتھارٹی کا کہنا ہے کہ تمام شہریوں، غیرملکیوں، سیاحوں اور ٹرانزٹ کے مسافروں کو دبئی انٹرنیشنل ایئرپورٹ اور دبئی ورلڈ سینٹرل ایئرپورٹ پہنچنے سے قبل کورونا وائرس نہ ہونے کا سرٹیفیکیٹ حاصل کرنا ہوگا۔

اتھارٹی کا کہنا ہے کہ پی سی آر منفی سرٹیفیکیٹ ٹیسٹ کے وقت سے 96 گھنٹے تک موثر ہوگا۔ بعض مسافروں کا پی سی آر دبئی ایئرپورٹ پہنچنے کے بعد لیا جائے گا۔ البتہ 12 برس سے کم عمر اور معذور بچے اس سے مستثنیٰ ہوں گے۔

دبئی ایئرپورٹ اتھارٹی نے مسافروں سے کہا ہے کہ وہ سفر سے قبل متعلقہ فضائی کمپنی سے رابطہ کرکے تازہ ترین معلومات حاصل کرنے کا اہتمام ضرور کریں۔

اتھارٹی کا کہنا ہے کہ لمبی مسافت اور سلامتی کے تقاضوں کی خاطر دبئی انٹرنیشنل ایئرپورٹ سے جانے والے تمام مسافر مندرجہ ذیل امور کی پابندی کریں۔

ایئرپورٹ میں صرف ان مسافروں کو داخل ہونے دیا جائے گا جن کے پاس موثر ٹکٹ ہوں گے۔
کوئی بھی مسافر شیڈولڈ پرواز سے 4 گھنٹے پہلے ایئرپورٹ کا رخ نہ کرے۔
ایئرپورٹ آتے وقت دستانے اور ماسک کی پابندی کرنا ہوگی۔
جن مسافروں پر کورونا وائرس کی علامتیں نمودار ہوگئی ہوں وہ ایئرپورٹ نہ آئیں۔

امارات ایئر کی تمام پروازیں دبئی انٹرنیشنل ایئرپورٹ کے مسافر ہال تھری سے آپریٹ کر رہی ہیں۔ دیگر فضائی کمپنیاں یا تو مسافر ہال ٹو یا تھری سے آجا رہی ہیں، لہٰذا تمام مسافر ایئرپورٹ کا رخ کرنے سے قبل مسافر بلڈنگ کے بارے میں اپنی ایئرلائن سے رابطہ ضرور کرلیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا