English   /   Kannada   /   Nawayathi

عمان کے نئے سلطان نے قومی ترانے اور پرچم میں تبدیلی کی

share with us

مسقط : خلیجی ریاست عمان کے نئے سلطان نے قومی ترانے اور پرچم میں تبدیلی میں شاہی فرمان جاری کردیا۔

غیر ملکی خبر رساں ادارے کی رپورٹ کے مطابق خلیجی ریاست سلطنت عمان کے نئے سلطان ھیثم طارق نے شاہی فرمان جاری کرتے ہوئے ریاست کے قومی پرچم، نشان اور ترانے کو تبدیل کرنے کا حکم دے دیا۔

رپورٹ کے مطابق سابقہ ترانے کے آخری مصروں میں محروم سلطان قابوس بن سعید کا نام شامل تھا جسے نئے سلطان نے حذف کروا دیا۔

پہلے ترانے میں سابق سلطان قابوس بن سعید کو ریاست کے استحکام، تعمیر و ترقی کے ضامن کے طور پر پیش کیا جاتا تھا جبکہ نئے ترانے میں دعائیہ اشعار شامل کیے گئے ہیں۔

مقامی میڈیا کا کہنا ہے کہ سلطان ھیثم طارق کے شاہی فرمان سے متعلق حکام نے عوام کو بھی آگاہ کردیا ہے۔

خیال رہے کہ سلطنت عمان کے سابق سلطان قابوس بن سعید 10 جنوری 2020 کو 79 برس کی عمر میں دنیا فانی سے انتقال کر گئے تھے۔

سلطان قابوس بن سعید نے 23 جولائی 1970 کو ریاست کی ذمہ داریاں بطور سلطان سنبھالی تھیں, سلطان قابوس عرب حکمرانوں نے سب سے زیادہ طویل حکمرانی کرنے والے شخص بھی ہیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا