English   /   Kannada   /   Nawayathi

گلبدین حکمت یار نے دوبارہ الیکشن کا مطالبہ کردیا

share with us

کابل11/نومبر 2019(فکروخبر/ذرائع)افغان تنظیم حزبِ اسلامی کے سربراہ گلبدین حکمت یار نے کہا کہ ووٹوں کی دوبارہ گنتی سے مسئلہ حل نہیں ہوگا، صدارتی انتخاب دوبارہ کرایا جائے۔

تفصیلات کے مطابق افغان تنظیم حزبِ اسلامی کے سربراہ گلبدین حکمت یار نے دوبارہ الیکشن کا مطالبہ کردیا۔ انہوں نے کہا کہ ووٹوں کی دوبارہ گنتی سے مسئلہ حل نہیں ہوگا، آئندہ موسم بہار میں افغان صدارتی انتخاب دوبارہ کرایا جائے۔

دوسری جانب افغانستان کے چیف ایگزیکٹو عبداللہ عبداللہ نے ووٹوں کی دوبارہ گنتی رکوانے کا مطالبہ کرتے ہوئے کہا کہ وہ انتخابات کے جعلی نتائج کو قبول نہیں کریں گے۔

عبداللہ عبداللہ نے دعویٰ کیا کہ ان ووٹوں میں کچھ بیلٹ کے ساتھ جو تصاویر ہیں وہ اصلی شناختی کارڈ کے بجائے نقلی شناختی کارڈ سے لی گئی ہیں۔ افغانستان کے چیف ایگزیکٹو کے اس بیان سے 28 ستمبر کو افغانستان میں ہونے والے انتخابات کے نتائج مزید غیر یقینی کا شکار ہوگئے ہیں۔

واضح رہے کہ افغان انتخابات کے نتائج کا اعلان 19 اکتوبر کو ہونا تھا لیکن اس میں 2 مرتبہ پہلے ہی تاخیر کردی گئی جبکہ حکام نے اس کی وجہ تکنیکی خرابی قرار دیا۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا