English   /   Kannada   /   Nawayathi

غرب اردن میں اسرائیلی فوجی کارروائیوں میں 10 فلسطینی گرفتار

share with us

رملہ  :17اکتوبر2019(فکروخبر/ذرائع)قابض صہیونی فوج نے فلسطین کے مقبوضہ مغربی کنارے کے مختلف علاقوں میں گھر گھر تلاشی کے دوران 10 فلسطینیوں کو حراست میں لے لیا۔

مرکزاطلاعات فلسطین کےمطابق قابض تلاشی کی کارروائیوں کے دوران قابض فوج نے نہ صرف ایک درجن کے قریب فلسطینیوں کو حراست میں لیا  بلکہ گھروں میں گھس کر توڑپھوڑ اور لوٹ مار کی بھی۔

اسرائیلی فوج کی طرف سے جاری کردہ ایک بیان میں کہا گیا ہے کہ غرب اردن سے 10 فلسطینیوں کو حراست میں لے لیا۔ ان میں اسرائیلی سیکیورٹی اداروں کو مطلوب افراد بھی شامل ہیں۔

اسرائیلی فوج کی طرف سے جاری بیان میں کہا گیا ہے کہ جنوبی شہرالخلیل میں بیت عوا کے مقام پر تلاشی کے دوران 'کارلو' نامی ایک پستول بھی قبضے میں لیا گیا۔

مقامی فلسطینی ذرائع نے بتایا کہ غرب اردن کے شمالی شہر طولکرم میں بیت عنبتا کے مقام پر تلاشی کے دوران جامعہ بیرزیت کے طالب علم یوسف الفقہاء کو حراست میں لے لیا۔

قبل ازیں آج جمعرات کو علی الصباح قلقیلیہ شہر میں تلاشی کے دوران 13 سالہ خالد سلیمان غنام نامی ایک بچے کو حراست میں لے لیا۔

مشرقی شہر جنین میں تلاشی کے دوران تین فلسطینیوں کو حراست میں لیا گیا۔

مرکزاطلاعات فلسطین کے نامہ نگار کے مطابق جنین سے حراست میں لیے گئے فلسطینیوں کی شناخت فرید محمد علاونہ، ابراہیم اسعد بداد ، یوسف محمود فشاشہ کے ناموں سے کی گئی ہے۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا