English   /   Kannada   /   Nawayathi

افغان فوج کی کارروائی میں القاعدہ کا اہم رہنما 6 ساتھیوں سمیت ہلاک

share with us

کابل:09اکتوبر2019(فکروخبر/ذرائع) افغانستان میں سیکیورٹی  فورسز کے آپریشن میں القاعدہ ایشیا کا کمانڈر عاصم عمر اپنے 6 ساتھیوں سمیت مارا گیا۔

بین الاقوامی خبر رساں ادارے کے مطابق افغانستان کے صوبے ہلمند کے علاقے موسیٰ قلعہ میں خفیہ ایجنسی این ڈی ایس کی جانب سے فراہم کی گئی انٹیلی جنس معلومات کی بنیاد پر آپریشن کیا گیا جس کے دوران 7 القاعدہ جنگجو مارے گئے۔

ادھر این ڈی ایس کی جانب سے جاری بیان میں کہا گیا ہے کہ ہلاک ہونے والے کمانڈرز میں اہم رہنما عاصم عمر بھی شامل ہے جب کہ ہلاک ہونے والے ایک جنگجو کی شناخت ریحان کے نام سے ہوئی ہے جو ایمن الزواہری کا رابطہ کار تھا۔

دوسری جانب آزاد ذرائع کا کہنا ہے کہ ہلمند میں 24 گھنٹے سے زائد جاری رہنے والے آپریشن کے فضائی کارروائی میں امریکی طیاروں نے حصہ لیا۔ بمباری کی وجہ سے 40 شہری بھی ہلاک ہوئے جن میں خواتین اور بچے بھی شامل ہیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا