انڈونیشیا میں لڑکیوں کی شادی کی قانونی عمر 19 برس مقرر

انڈونیشیا:19/ ستمبر 2019(فکروخبر/ذرائع)مسلم آبادی والے دنیا کے سب سے بڑے ملک انڈونیشیا میں لڑکیوں کی شادی کی کم از کم حد 19 برس مقرر کر دی گئی۔انڈونیشیا کی پارلیمنٹ نے  لڑکیوں کی شادی کے لیے نئے قانون کی منظوری دے دی ہے۔غیرملکی خبررساں ادارے کے مطابق مسلم آبادی والے دنیا کے سب سے بڑے ملک انڈونیشیا میں لڑکیوں کی شادی کی کم از کم حد 19 برس مقرر کر دی گئی۔ قانون میں ترمیم سے قبل انڈونیشیا میں لڑکیوں کے لیے شادی کی عمر کی حد 16 برس مقرر تھی لیکن اگر والدین اور لڑکی کی رضامندی ہوں تو لڑکیاں اس سے کم عمر میں بھی شادیاں کر سکتی تھیں۔