الخلیل شہر کی یہودی بستیاں بھی اسرائیل میں شامل ہونگی:نیتین یاہو

اسرائیلی وزیراعظم  بن یامین نیتن یاہونے عوام سے وعدہ  کیا ہے کہ وہ کل ہونے والے انتخابات میں کامیابی کی صورت میں الخلیل شہرمیں قائم نا جائز یہودی بستیوں کواسرائیل میں ضم کریں گے۔

 انہوں نے یہ بات ایک اسرائیلی ریڈیو پر کہی اوربتایا کہ  الخلیل شہر میں یہودیوں کی موجودگی کافی پرانی ہے اور یہ ہمیشہ یہاں رہے گی ۔

مبصرین نے  نیتین یاہو کے اس بیان کو بھی صیہونی ہمدردی حاصل کرنے کا ایک  انتخابی حربہ قرار دیا ہے۔

 واضح رہے کہ  الخلیل کے پرانے شہر میں اس وقت 400 کے قریب  یہودی بستیاں موجود ہیں جن کی حفاظت کا ذمہ 1500 اسرائیلی فوجی کے سپرد ہے۔