امریکہ شام کے مہاجرین  کیلئے جاری سماجی پروگراموں کی مدد کرے‘ لبنانی وزیر 

بیروت:22اگست 2019 (فکروخبر/ ذرائع )لبنانی وزیر برائے سماجی امور رچرڈ کوومجیان نے امریکہ پر زور دیا ہے کہ وہ شام کے مہاجرین کی میزبانی کرنے والی مقامی برادریوں کی طرف سے جاری سماجی پروگراموں کی مدد کرے۔میڈیا رپورٹس کے مطابق وزارت کی طرف سے جاری بیان میں انہوں نے کہا کہ یہ پروگرام لبنانی معاشرے کو اس بحران کا سامنا کرنے میں مدد کرے گا۔کویمجیان نے یہ ریمارکس ڈپٹی چیف آف مشن ون ڈیٹن سے امریکی سفارت خانے میں ملاقات کے دوران دیئے، دونوں عہدیداروں نے لبنان میں سماجی مسائل اور ملک میں شامی مہاجرین کی صورتحال پر تبادلہ خیال کیا۔کویمجیان نے لبنان کے لئے امریکی فوجی امداد کی اہمیت پر بھی زور دیا جبکہ انہوں نے امریکہ سے اس تعاون کو برقرار رکھنے کا مطالبہ بھی کیا