حلف برداری کے تین ہفتہ بعد یدی یورپا اپنی کابینہ تشکیل دیں گے

بنگلور :18 اگست 2019 (فکروخبر/ ذرائع )ریاست میں اپنی حلف برداری کے ۳ ہفتے بعد  وزیر اعلی یدی یورپا منگل کو اپنی کابینہ تشکیل دیں گے ، اس سے قبل صبح میں بی جے پی کی قانون ساز پارٹی کی میٹنگ عمل میں آئے گی ، واضح رہے کہ کمار سوامی سرکار گرانے کے بعد یدی یورپا نے وزارت اعلی کا حلف لے کر حکومت تو بنالی مگر اب تک کسی کو وزارت نہیں دی ہے ، کابینہ کی تشکیل کے فیصلے کی اطلاع سنیچر کو دفتر وزیر اعلی کیجانب سے جاری کی گئی ہے ، بتایا جا رہا ہے کہ اسی مہینے کے اوائل میں یدی یورپا نے دہلی میں پارٹی ہائی کمان سے نئی کابینہ کے خدو خال کی منظوری حاصل کی ہے