اب عید الاضحی کے موقع پر مسلم خواتین کو ملے گی مفت بس خدمات ،جانیں کہاں

ہماچل پردیش:11 اگست 2019 (فکروخبر/ ذرائع )ہماچل پردیش روڈ ٹرانسپورٹ کارپوریشن (ایچ آر ٹی سی) نے 12 اگست کو عیدالاضحیٰ کے روز مسلم خواتین کو مفت بس خدمات فراہم کرنے کا فیصلہ کیا ہے۔کارپوریشن کے محکمہ جاتی مینیجر پنکج سنگھل نے یہ اطلاع دیتے ہوئے بتایا کہ 'صبح صادق سے سورج کے غروب ہونے تک مسلم خواتین کو مفت سفر کی سہولت حاصل رہے گی۔ اس سہولت کے لیے خواتین کو اپنا شناختی کارڈ دکھانا ہوگا۔'

انہوں نے بتایا کہ 'مسلم خواتین کو یہ سہولت ہندوؤں کے تہوار کرواچوتھ اور رکشا بندھن کی طرز پر دی جائے گی۔'عیدالاضحی کے روز مسلم خواتین ریاست کے کسی بھی کونے میں کارپوریشن کی بسوں میں مفت سفر کرسکیں گی جبکہ ہماچل سے باہر جانے پر انہیں کرایہ دینا ہوگا۔