فلسطینیوں کو درپیش مالی بحران کا حل اولین ترجیح ہے، عرب لیگ

اسرائیل فلسطینی اسیران کو اذیت کی موت دے کرقتل کر رہا ہے،  سیکرٹری جنرل احمد ابوالغیط

قاہرہ۔29جولائی(یواین این)عرب لیگ کے سیکرٹری جنرل احمد ابوالغیط نے کہا ہے کہ اسرائیلی مظالم سے متاثر ہونے والے افرادمیں سب سے زیادہ تعداد بچوں پرمشتمل ہے۔ پورا عرب خطہ اس وقت مسلح لڑائیوں کی لپیٹ میں ہے مگر انسانی حقوق کی پامالیوں کے معاملے میں اسرائیل سب سے آگے ہے۔مرکزاطلاعات فلسطین کے مطابق قاہرہ میں علاقائی کانفرنس برائے تحفظ انسانی حقوق کیعنوان سے منعقدہ کانفرنس سیخطاب میں عرب لیگ کے معاون خصوصی ھیفاء ابو غزالہ نے کہا کہ اسرائیلی ریاست کے جرائم اور مظالم سے متاثر ہونیوالوں میں سب سیزیادہ خواتین اور بچے ہیں۔احمد ابو الغیط نے کہا کہ اسرائیلی ریاست کے مظالم اور انتقامی حربوں کی جتنی مذمت کی جائے کم ہے۔ اسرائیلی ریاست اپنے ہی مظالم کا ہروز ایک نیا ریکارڈ قائم کررہی ہے۔ بنیادی انسانی حق زندگی کے حقوق کا آغاز ہے مگر اسرائیل فلسطینیوں کے بنیادی حقوق کی بھی کھلے عام خلاف ورزیاں کررہا ہے۔ اس کے بعد فلسطینی عوام کیتعلیمی، رہائشی اور بنیادی سروسز کے حصول کے حقوق کی توہین کی جا رہی ہے۔انہوں نے بیت المقدس میں فلسطینیوں کے گھروں کی مسماری کے جرائم کی شدید الفاظ میں مذمت کی اور کہا صور باھر کیمقام پر فلسطینیوں کے 100 گھروں کی مسماری ناقابل قبول جرم ہے۔ یہ مکانات اسرائیل کی دیوار فاصل کے قریب مسمار کیے گئے ہیں۔عرب لیگ کے سیکرٹری جنرل نے کہاکہ اسرائیلی مظالم کا سب سے زیادہ شکار ہونے والوں میں کم سن فلسطینی بچے ہیں۔ اسرائیل فلسطینیوں کی نسل کشی کا مرتکب ہو رہا ہے۔ غزہ میں جاری حق واپسی ریلیوں پر اسرائیلی فوج نے طاقت کا وحشیانہ استعمال کیا جس کے نتیجے میں 20 فی صد کم سن بچے ہیں۔