English   /   Kannada   /   Nawayathi

ایران میں چھ سالہ بچے کی قاتل نرس کو تختہ دار پر لٹکا دیا گیا

share with us


مقدمہ جون 201کو چلایا گیا اور اسے اس جرم میں سزائے موت سنائی گئی،ایرانی میڈیا کی رپورٹ


تہران:22جولائی2019(فکروخبر/ذرائع)ایران میں ایک نرس کو 6 سالہ بچے کو قتل کرنے کے جرم میں پھانسی دے کرہلاک کردیا گیا۔ ایران کی جوڈیشل انتظامیہ کی ماتحت نیوز ایجنسی نے بتایا کہ بچے کے قتل کے کیس میں ملوث نرس نے اقبال جرم کرلیا تھا جس کے بعد اسے سزائے موت دی گئی تھی۔ یہ واقعہ شمالی ایران کے علاقے کلاردشت میں پیش آیا تھا۔نیوز ایجنسی کے مطابق نرس کے خلاف بچے کے قتل کامقدمہ جون 201کو چلایا گیا اور اسے اس جرم میں سزائے موت سنائی گئی تھی۔ اسے حال ہی میں پھانسی دی گئی تاہم سزائے موت پرعمل درآمد کی تاریخ بیان نہیں کی گئی۔خیال رہے کہ ایران میں سرکاری سطح پر سزائے موت کے اعدادو شمار جاری نہیں کیے جاتے۔ رواں سال اپریل میں ایمنسٹی انٹرنیشنل نے ایک رپورٹ میں بتایا تھا کہ اسلامی جمہوریہ ایران چین کے بعد سزائے موت پرعمل درآمد کرنے والا دوسرا بڑا ملک ہے۔ رپورٹ کیمطابق سال 2018ء  میں ایران میں 253 افراد کو تختہ دار پر لٹکایا گیا جب کہ 2017ء میں 507 قیدیوں کی سزائے موت پرعمل درآمد کیا گیا تھا۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا