مودی حکومت کے 50 دن تاریخی ،پرکاش جاوڈیکر کا دعوی

نئی دہلی :22جولائی2019(فکروخبر/ذرائع)ملک میں اآئے روز اقلیتوں پر حملہ ہو رہے ہیں ، یوپی بہار میں سماج دشمن عناصر اور جرائم پیشہ افراد خون کی ہولی کھیل رہے ہیں اور خوف کا ایک عجیب ماحول پورےملک میں پیدا ہو گیا ہے لیکن حکومت اپنی پیٹھ تھپتھپانے میں ہی لگی ہوئی ،حکومت نے آج کہا کہ وزیراعظم نریندر مودی کی قیادت میں دوسری بار اقتدار میں آنے کے 50 دن کے اندر ’سب کا ساتھ، سب کا وکاس اور سب کا وشواس‘ کی سمت میں تیزی سے قدم اٹھاتے ہوئے سماج کے تمام طبقات کی فلاح و بہبود، بنیادی ڈھانچے کےعلاقے اور تعلیم کے شعبہ میں تاریخی فیصلہ کیے گئے۔

مرکزی اطلاعات و نشریات کے وزیر پرکاش جاوڈیکر نے مودی حکومت کی دوسری مدت کے 50 دن کی رپورٹ کارڈ جاری کرتے ہوئے یہ اطلاع دی۔
انہوں نے کہا،' 50 دن کے اندر، حکومت نے کسانوں، بے روزگار نوجوانوں، مڈل کلاس، تاجروں اور سماج کے تمام طبقات کے لئے بنیادی ڈھانچے اور تعلیم کے شعبوں میں تیزی سے ترقی کے لئے تاریخی فیصلے لیے ہیں۔'

جاوڈیکر نے یہاں نامہ نگاروں سے کہا کہ یہ 50 دن بتاتے ہیں کہ نریندر مودی کی قیادت والی قومی جمہوری اتحادی حکومت کی دوسری میعاد زیادہ مؤثر ہوگی اور سب کو انصاف ملے گا۔
انہوں نے کہا کہ مودی حکومت نے ملک کے سبھی کسانوں کو پی ایم- کسان یوجنا کے تحت 6000 روپے سالانہ فائدہ دیا ہے۔ انہوں نے کہا کہ کسانوں کو ان کی لاگت کے کم از کم امدادی قیمت میں دو سے تین گنا تک اضافہ کیا گیا ہے۔