مولانا سید بلال عبدالحئی حسنی ندوی کریں گے شرکت 

بھٹکل 17/ جولائی 2019(فکروخبر نیوز)  جامعہ اسلامیہ بھٹکل میں ادھر چند سالوں سے طلباء کے مابین مسابقت کا جذبہ پیدا کرنے کے جذبہ کے تحت تشجیعی انعامات کا سلسلہ شروع کیا گیا ہے جس کے بہترین نتائج برآمد ہورہے ہیں۔ 
    امسال جن خوش نصیب طلباء نے اپنے درجات میں متعینہ ہدف کو پار کرکے امتیازی نمبرات حاصل کیے ہیں ان کی ہمت افزائی کے لیے ان شاء اللہ 14ذیقعدہ 1440ھ  مطابق 18/ جولائی 2019ء بروز جمعرات صبح دس بجے جامعہ اسلامیہ بھٹکل میں ایک نشست منعقد کی گئی ہے جس میں بطورِ مہمانِ خصوصی حضرت مولانا سید بلال عبدالحئی حسنی ندوی (جنرل سکریٹری کل ہند پیامِ انسانیت ونائب ناظم مدرسہ ضیاء العلوم رائے بریلی) شرکت فرمائیں گے اور مولانا کا خصوصی خطاب بھی ہوگا۔ 
    اس نشست میں تعلیم وتربیت کے عنوان پر دیگر علماء کرام کے بھی خطابات ہوں گے۔ 
    مہتمم جامعہ اسلامیہ بھٹکل مولانا مقبول احمد کوبٹے ندوی نے اس پروگرام میں شرکت کی گذارش کی ہے۔