روسی ایٹمی توانائی کمیشن کا ریاض میں اپنی شاخ کھولنے کا منصوبہ

 جوہری تنصیب کے ٹھیکے میں بولی لگانے کے لیے روس آتوم کو بھی پیشکش دی گئی

ماسکو:16جون2019(فکروخبر/ذرائع)روسی ایٹمی توانائی کمیشن”روس آتوم“سعودی عرب میں جوہری توانائی پر مبنی منصوبوں کیلئے  ریاض میں اپنی شاخ قائم کرے گا۔ غیرملکی خبررساں ادارے کے مطابق ماسکو میں  ملاقات سعودی اور روسی حکام کے درمیان ہوئی جس میں اس بات کا فیصلہ کیا گیا۔سعودی وزیر توانائی و معدنی وسائل خالد الفاتح نے  بتایا کہ سعودی عرب میں تعمیر کی جانے والی پہلی جوہری تنصیب کے ٹھیکے میں بولی لگانے کے لیے روس آتوم کو بھی پیشکش دی گئی ہے۔ روس آتوم اس وقت دنیا کی سب سے بڑی جوہری توانائی کمپنی ہے جس کی دنیا میں اس وقت 42 عدد جوہری تنصیبات قائم ہیں جن میں ترکی بھی شامل ہے۔